December 13, 2022
December 13, 2022
ന്യൂസ്റൂം ബ്യുറോ
ദോഹ : അറബ് മേഖലയുടെ 2023 ലെ ടൂറിസം തലസ്ഥാനമായി ദോഹയെ പ്രഖ്യാപിച്ചു..അറബ് ലീഗ് ജനറൽ സെക്രട്ടേറിയറ്റ് ആസ്ഥാനത്ത് ഇന്ന് ചേർന്ന അറബ് മിനിസ്റ്റീരിയൽ കൗൺസിൽ ഫോർ ടൂറിസം 25-ാമത് സെഷനിലാണ് ഇതുസംബന്ധിച്ച പ്രഖ്യാപനമുണ്ടായത്.പ്രധാനമായും ലോകകപ്പ് സംഘാടനത്തിൽ മികവ് തെളിയിച്ചതാണ് ഖത്തറിനെ ഈ അപൂർവനേട്ടത്തിനായി സഹായിച്ചത്.
ലോകകപ്പ് മികവുറ്റ രീതിയിൽ സംഘടിപ്പിച്ചതിലൂടെ ലോകമെമ്പാടുമുള്ള ജനങ്ങളുടെ ലക്ഷ്യസ്ഥാനമെന്ന നിലയിൽ ഖത്തർ തങ്ങളുടെ അന്തസ്സും ആതിഥ്യമര്യാദയും പ്രതിഫലിപ്പിക്കുകയും തെളിയിക്കുകയും ചെയ്യുന്നതായി യോഗം വിലയിരുത്തി.
ഖത്തറിന് പ്രത്യേക പദവി നൽകിയതിന് അറബ് കൗൺസിലിനും അറബ് ടൂറിസം ഓർഗനൈസേഷനും പ്രസിഡൻറ് ബന്ദർ ബിൻ ഫഹദ് അൽ ഫുഹൈദിനും അറബ് ലീഗിലെ ഖത്തറിന്റെ സ്ഥിരം പ്രതിനിധി സാലെം മുബാറക് അൽ ഷാഫി നന്ദി അറിയിച്ചു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക