September 07, 2022
September 07, 2022
ദോഹ: ലുസൈൽ സ്റ്റേഡിയത്തിൽ നടക്കാനിരിക്കുന്ന ലുസൈൽ സൂപ്പർ കപ്പ് മത്സരങ്ങൾക്കായി ദോഹ മെട്രോയും ലുസൈൽ ട്രാമും പ്രവർത്തനസമയത്തിൽ മാറ്റം വരുത്തി.ലുസൈൽ ക്യുഎൻബി മെട്രോ സ്റ്റേഷനിലേക്ക് (പ്രവേശനകവാടം 2) മൽസര ദിവസമായ സെപ്തംബർ 9 വെള്ളിയാഴ്ച മെട്രോ ലിങ്ക് വഴി മാത്രമേ വരാനാകൂ എന്ന് ദോഹ മെട്രോ അറിയിച്ചു.സ്വകാര്യ വാഹനങ്ങൾക്കും ടാക്സികൾക്കും സ്റ്റേഷനിലേക്കുള്ള പ്രവേശന കവാടത്തിലേക്ക് അനുമതിയുണ്ടാവില്ല.അതുകൊണ്ടുതന്നെ,സ്റ്റേഷനിലെ പാർക്ക് & റൈഡ് സൗകര്യവും ഉപയോഗിക്കാനാവില്ല.
അതേസമയം,ആരാധകർക്ക് സ്റ്റേഡിയത്തിലേക്കെത്താൻ ദോഹ മെട്രോ, ലുസൈൽ ട്രാം സർവീസുകൾ പുലർച്ചെ മൂന്ന് വരെ നീട്ടും. ഉച്ചയ്ക്ക് 1 മണി മുതൽ പുലർച്ചെ 3 മണി വരെ സർവീസ്നടത്തും..
80,000 പേരെ ഉൾക്കൊള്ളുന്ന ലുസൈൽ സ്റ്റേഡിയത്തിൽ സൗദി പ്രോ ലീഗ് ചാമ്പ്യന്മാരായ അൽ ഹിലാൽ എസ്എഫ്സിയും ഈജിപ്ഷ്യൻ പ്രീമിയർ ലീഗ് ജേതാക്കളായ സമലേക് എഫ്സിയും തമ്മിലായിരിക്കും മത്സരം.
ന്യൂസ്റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/HrLcaJxM8ioJZfNN9bsdpq എന്ന ലിങ്കിൽ ജോയിൻ ചെയ്യുക