January 16, 2023
January 16, 2023
ന്യൂസ്‌റൂം ബ്യുറോ
ദോഹ :ജനുവരി 20ന് നടക്കുന്ന ഉരീദു മാരത്തണിൽ വിവിധ വിഭാഗങ്ങളിലായി 8,000 പേർ പങ്കെടുക്കുമെന്ന് സംഘാടകർ വാർത്താസമ്മേളനത്തിൽ അറിയിച്ചു.ദോഹ കോർണിഷിലെ പരേഡ് പവലിയനിൽ നിന്ന് ആരംഭിച്ച് കത്താറ,ലുസൈൽ എന്നിവ പിന്നിട്ട് കോർണിഷിൽ സമാപിക്കുമെന്ന് ഉരീദു സിഎസ്ആർ,സ്പോൺസർഷിപ്പ് ആൻഡ് മീഡിയ ഡയറക്റ്റർ മോസ ഖാലിദ് അൽ-മുഹന്നദി അറിയിച്ചു.
രാവിലെ 6.15ന് ഫുൾ മാരത്തണും തുടർന്ന് ഏഴിന് ഹാഫ് മാരത്തണും ആരംഭിക്കും.10 കിലോമീറ്റർ വിഭാഗം രാവിലെ 8.30നും 5 കിലോമീറ്റർ വിഭാഗം രാവിലെ 9.30നും ആരംഭിക്കും.കുട്ടികൾക്കുള്ള 1 കിലോമീറ്റർ വിഭാഗം രാവിലെ 10.30 ന് ആരംഭിക്കും.
എല്ലാ കാറ്റഗറികളിലുമായി ഒരു മില്യൺ ഖത്തർ റിയാലാണ് ഈ വർഷത്തെ ആകെ സമ്മാനതുക.5 കിലോമീറ്റർ,10 കി.മീ.,21 കി.മീ.വിഭാഗങ്ങളിൽ ഫിനിഷിംഗ് ലൈൻ കടക്കുന്ന എല്ലാവര്ക്കും ഫോക്സ്വാഗൺ ടി-റോക്ക് സ്വന്തമാക്കുന്നതിനുള്ള റാഫിൾ നറുക്കെടുപ്പിൽ പങ്കെടുക്കാനും അവസരമുണ്ട്.
ഖത്തർ എയർവെയ്‌സ്, സീഷോർ,അൽ റയ്യാൻ വാട്ടർ,ക്യൂ.ഐ.സി,ഖത്തർ ടൂറിസം,ക്യൂ ഓട്ടോ,ഹോൾഡിങ് ഗ്രൂപ്,എന്നീ പ്രമുഖ കമ്പനികളാണ് മറ്റ് സ്പോൺസർമാരായി എത്തുന്നത്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക
