June 12, 2023
June 12, 2023
ന്യൂസ്റൂം ബ്യുറോ
ദോഹ : കുട്ടികളെയും മുതിർന്നവരെയും ഒരുപോലെ രസിപ്പിക്കുന്ന ഡിസ്നി കഥാപാത്രങ്ങളായ മിക്കി മൗസും മിന്നി മൗസും ഡൊണാൾഡ് ഡക്കും ഗൂഫിയും ഖത്തറിൽ എത്തുന്നു.ജൂലൈ 4 മുതൽ 8 വരെ ലുസൈൽ മൾട്ടിപർപ്പസ് ഹാളിലാണ് മിക്കിയും മിന്നിയും അടങ്ങുന്ന ഡിസ്നി വേൾഡ് കാൽപനിക കഥാപാത്രങ്ങളെത്തുന്നത്.
അമേരിക്ക ആസ്ഥാനമായി പ്രവർത്തിക്കുന്ന ഡിസ്നി വേൾഡ് കമ്പനിയുമായി സഹകരിച്ച് ഖത്തർ ടൂറിസം അതോറിറ്റിയാണ് ‘ഡിസ്നി ഓൺ ഐസ്' അത്ഭുത പ്രദർശനം ഒരുക്കുന്നത്.കാർട്ടൂൺ, ആനിമേഷൻ, ശാസ്ത്ര സാങ്കേതിക വിജ്ഞാനത്തിന്റെ അത്ഭുതകരമായ ആവിഷ്കാരങ്ങൾ ഇവയെല്ലാം കണ്ണും കാതും കരളും കവരുന്ന ദൃശ്യങ്ങളിലേക്കും അനുഭൂതികളിലേക്കും സന്ദർശകരെ എത്തിക്കുമെന്നും ഇത് സന്തോഷത്തിന്റെയും സാഹസിക വികാരങ്ങളുടെയും പുതുമ നൽകുമെന്നും സംഘാടകർ അറിയിച്ചു.
ഐസ് സ്കേറ്റിംഗും പ്രിയപ്പെട്ട ഡിസ്നി കഥകളും നിറഞ്ഞ മാന്ത്രിക നിമിഷങ്ങളാവും സന്ദർശകരെ വരവേൽക്കുക.ഡിസ്നിയുടെ അത്ഭുത ലോകത്ത് നിന്ന് മോവാന, ചെറിയ മെർമെയ്ഡ് രാജകുമാരിയും,സിൻഡ്രെല്ലയും സ്ലീപ്പിംഗ് ബ്യൂട്ടിയും എല്ലാം പ്രേക്ഷകർക്ക് മുന്നിലെത്തും.125 ഖത്തർ റിയാൽ മുതലാണ് ടിക്കറ്റ് നിരക്കുകൾ.വിർജിൻ ടിക്കറ്റ്സ് വഴി ഓൺലൈനായി ടിക്കറ്റ് ബുക് ചെയ്യാം.
ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/HHOGGyLPTMH45QRaxZQRyz