September 13, 2022
September 13, 2022
ന്യൂസ്റൂം ബ്യുറോ
ദോഹ: ഏതെങ്കിലും ജിസിസി രാജ്യങ്ങളിലെ സാധുവായ ഡ്രൈവിംഗ് ലൈസൻസ് കൈവശമുള്ള ഖത്തറിൽ റെസിഡൻസ് വിസയുള്ളവർക്ക് ഇനി നേരിട്ട് ഡ്രൈവിങ് ടെസ്റ്റിന് രജിസ്റ്റർ ചെയ്യാമെന്ന് അധികൃതർ അറിയിച്ചു. ഖത്തറിൽ ഡ്രൈവിങ് ലൈ സൻസ് നേടുന്നതിന് ഇവർ ഡ്രൈവിംഗ് കോഴ്സുകൾക്ക് രജിസ്റ്റർ ചെയ്യേണ്ടതില്ല.പകരം,നേരിട്ട് ടെസ്റ്റിന് രജിസ്റ്റർ ചെയ്യാമെന്ന് ജനറൽ ഡയറക്ടറേറ്റ് ഓഫ് ട്രാഫിക് വിഭാഗം ഫസ്റ്റ് ലെഫ്റ്റനന്റ് മുഹമ്മദ് അൽ-അമ്രി സ്ഥിരീകരിച്ചു.ഖത്തർ ടെലിവിഷനിൽ ഒരു പരിപാടിയിൽ സംസാരിക്കുന്നതിനിടെയാണ് അദ്ദേഹം ഇക്കാര്യം പറഞ്ഞത്.
അതേസമയം,ജിസിസിയിലെ പൗരന്മാർക്ക് അവരുടെ ലൈസൻസ് ഉടൻ തന്നെ ഖത്തർ ഡ്രൈവിംഗ് ലൈസൻസാക്കി മാറ്റാമെന്നും അദ്ദേഹം കൂട്ടിച്ചേർത്തു.
ഖത്തറിൽ നിലവിലുള്ള ട്രാഫിക് നിയമ പ്രകാരം, ബന്ധുക്കളെ സന്ദർശിക്കാനോ വിനോദസഞ്ചാരത്തിനായോ ഖത്തറിൽ എത്തുന്ന ജിസിസി രാജ്യങ്ങളിലെ സാധുവായ ഡ്രൈവിംഗ് ലൈസൻസ് ഉള്ളവർക്ക് അവർ രാജ്യത്ത് പ്രവേശിച്ച തീയതി മുതൽ 3 മാസം വരെ ഖത്തറിൽ വാഹനമോടിക്കാൻ അനുമതിയുണ്ട്.ഇവർ ഖത്തറിലെത്തിയ തീയതിയുടെ തെളിവ് ആവശ്യപ്പെടുമ്പോൾ നൽകുന്നതിന് ജിസിസി രാജ്യങ്ങളിൽ നിന്നെത്തി വാഹനമോടിക്കുന്നവർ അവരുടെ പാസ്പോർട്ടോ എൻട്രി വിസയോ എപ്പോഴും കൈവശം വെക്കണമെന്നാണ് നിർദേശം.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CnQu0Sm89HsFGubs4fWsFe എന്ന ലിങ്കിൽ ജോയിൻ ചെയ്യുക