May 08, 2023
May 08, 2023
ന്യൂസ്റൂം ബ്യൂറോ
ദോഹ: ഖത്തറില് സന്ദര്ശക വിസയിലെത്തിയ മലപ്പുറം കരുവാരക്കുണ്ട്, പുന്നക്കാട്, നെച്ചിക്കാടന് ഇസ്ഹാഖ് ഹാജി (76) കാറപകടത്തില് മരിച്ചു. ഒപ്പം ഉണ്ടായിരുന്ന ഭാര്യ സാറയെ പരിക്കുകളോടെ ദോഹ ഹമദ് ജനറല് ആശുപത്രിയില് പ്രവേശിപ്പിച്ചിരിക്കുകയാണ്. മകള് സബിതയും പേരമകള് ദിയയും നിസ്സാര പരിക്കുകളോടെ ചികിത്സയിലുണ്ട്. മാര്ച്ച് 11ന് ഹയ്യ കാര്ഡ് വഴി സന്ദര്ശക വിസയിലാണ് ഇദ്ദേഹം ദോഹയില് എത്തിയത്. എഡ്യൂക്കേഷന് സിറ്റിയിലെ ഖത്തര് നാഷണല് ലൈബ്രറിയിലേക്ക് സകുടുംബം നടന്നു പോകവേ, ലൈബ്രറിക്ക് മുന്പിലെ പാര്ക്കിങ്ങില് നിന്നും അമിത വേഗതയില് എത്തിയ ലെക്സസ് കാര് വന്നിടിച്ചാണ് അപകടം ഉണ്ടായത്. ഇസ്ഹാഖ് ഹാജി തല്ക്ഷണം മരണപ്പെട്ടു. അപകടത്തില് പെട്ട എല്ലാവരും ഖത്തര് നാഷണല് ലൈബ്രറി മെട്രോ സ്റ്റേഷനില് ഇറങ്ങി ലൈബ്രറിയിലേക്ക് നടന്നു വരികയായിരുന്നു. കരുവാരക്കുണ്ട് ദാറുന്നജാത് സെക്രട്ടറിയും സാമൂഹിക സന്നദ്ധ പ്രവര്ത്തകനുമായഇസ്ഹാഖ് ഹാജി.
മറ്റു മക്കള്: അന്വര് (ജിദ്ദ) ജലീല് (ഓസ്ട്രേലിയ) ഷറഫുന്നിസ. മരുമക്കള്: ഹുസൈന് പാണ്ടിക്കാട്, ഫസീല,ഡാലിയ, സക്കീര്ഹുസൈന് (ഖത്തര്). മയ്യിത്ത് നാട്ടിലേക്കു കൊണ്ടുപോകാനുള്ള നടപടിക്രമങ്ങളിലാണെന്ന് ഖത്തര് കെഎംസിസി അല്ഇഹ്സാന് മയ്യിത്ത് പരിപാലന കമ്മിറ്റി അറിയിച്ചു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL