May 10, 2021
May 10, 2021
ദോഹ :ഖത്തറിൽ മെയ് 28 മുതൽ കോവിഡ് -19 നിയന്ത്രണങ്ങൾ നീക്കുന്നതിന്റെ ഭാഗമായി സേവന മേഖലയിലെ തൊഴിലാളികൾക്ക് പ്രതിരോധ കുത്തിവയ്പ്പിൽ മുൻഗണന നൽകുമെന്ന് പൊതുജനാരോഗ്യ മന്ത്രാലയം അറിയിച്ചു.
ബാർബർ ഷോപ്പുകൾ, ബ്യൂട്ടി സലൂണുകൾ, റെസ്റ്റോറന്റുകൾ, റീട്ടെയിൽ ഷോപ്പുകൾ, സൂപ്പർമാർക്കറ്റുകൾ, ഹോട്ടലുകൾ, മറ്റ് ഹോസ്പിറ്റാലിറ്റി സേവനങ്ങൾ എന്നീ മേഖലകളിലെ തൊഴിലാളികൾക്കാണ് വാക്സിനേഷനിൽ മുൻഗണന നൽകുക.
ഇതിനായി പ്രത്യേക ഷെഡ്യൂളിംഗ് യൂണിറ്റ് രൂപീകരിച്ചതായും മന്ത്രാലയം അറിയിച്ചു.
തങ്ങളുടെ ജീവനക്കാർക്ക് വാക്സിനേഷൻ ഷെഡ്യൂൾ ചെയ്യുന്നതിന് കമ്പനികൾ നേരിട്ട് വാക്സിനേഷൻ യൂണിറ്റുമായി ബന്ധപ്പെടണമെന്ന് മന്ത്രാലയം അറിയിച്ചു.നിലവിലുള്ള കോവിഡ് നിയന്ത്രണങ്ങളിൽ മെയ് 28 മുതൽ നാൾ ഘട്ടങ്ങളായി ഇളവ് വരുത്തുമെന്ന് പൊതുജനാരോഗ്യ മന്ത്രാലയം ഇന്നലെ വിളിച്ചു ചേർത്ത വാർത്താ സമ്മേളനത്തിൽ വ്യക്തമാക്കിയിരുന്നു.
ന്യൂസ്റൂം വാർത്തകൾ വേഗത്തിൽ ലഭിക്കാൻ പ്ളേസ്റ്റോറിൽ നിന്നും ആപ് സ്റ്റോറിൽ നിന്നും newsroom connect ആപ് ഡൗൺലോഡ് ചെയ്യുക.
Playstore :https://play.google.com/store/apps/details?id=com.friggitello.newsroom_qatar_user
App Store: https://apps.apple.com/us/app/newsroom-connect/id1559335758