April 16, 2021
April 16, 2021
ദോഹ : കോവിഡ് രോഗബാധിതരായ രണ്ടു മലയാളികൾ കൂടി ഖത്തറിൽ നിര്യാതനായി. കോവിഡ് ബാധിതനായി അല്‍ഖോറിൽ ഹോം ക്വാറന്റീനില്‍ കഴിയുന്നതിനിടെയാണ് പത്തനംതിട്ട പയനിമല, തെള്ളിയൂര്‍ സ്വദേശിയായ ഈപ്പന്‍ ജോണ്‍ എന്ന ബേബി(58) മരിച്ചത്.ഹൃദയാഘാതമാണ് മരണകാരണം. ക്യൂ കോണ്‍ കമ്പനിയിലെ മാന്‍പവര്‍ കോര്‍ഡിനേറ്ററായിരുന്നു.
ഭക്ഷണവുമായി ചെന്ന് വിളിച്ച് നോക്കിയെങ്കിലും മറുപടി ലഭിക്കാത്തതിനാൽ വാതില്‍ തള്ളിത്തുറന്ന് അകത്ത് കടന്നപ്പോള്‍ കട്ടിലില്‍ മരിച്ച് കിടക്കുന്നതായി കണ്ടെത്തുകയായിരുന്നു.
ഭാര്യ: അനി ജോണ്‍. മക്കള്‍: അഖില്‍ ജോണ്‍, നിഥിന്‍ ജോണ്‍.
കാസര്‍ഗോഡ് സ്വദേശി ആരാന്‍തൊടി മൊയ്തീന്‍കുട്ടി(54)യാണ് മരിച്ച മറ്റൊരാൾ. കഴിഞ്ഞ മാസം 29 നാണ് കോവിഡ് ബാധിച്ച് ആശുപത്രിയില്‍ പ്രവേശിപ്പിച്ചത്. നേരത്തെ ഹൃദയസംബന്ധമായ അസുഖമുണ്ടായതിനാല്‍ കോവിഡ് കൂടി ബാധിച്ചതോടെ ആരോഗ്യനില വഷളാവുകയായിരുന്നു. കഴിഞ്ഞ 25 വര്‍ഷമായി സ്വദേശിയുടെ വീട്ടില്‍ ഡ്രൈവറായും മന്തൂബ് ആയും ജോലികള്‍ ചെയ്ത് വരികയായിരുന്നു.
ഭാര്യ: റാബിയ. മക്കള്‍: താജുദ്ധീന്‍, അനസ്, ജാബിര്‍, നൂറ, ഹൂദ.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
