April 19, 2021
April 19, 2021
അൻവർ പാലേരി
ദോഹ : ഖത്തറിൽ തൊഴിലാളികൾക്കായി ഒരുക്കിയ വാക്സിനേഷൻ കേന്ദ്രത്തിൽ എത്തി നിരവധി പേർ മണിക്കൂറുകളോളം കാത്തിരുന്ന ശേഷം നിരാശരായി മടങ്ങുന്നതായി റിപ്പോർട്ട്.സ്ട്രീറ്റ് നമ്പർ കീഴിൽ പഴയ മെഡിക്കല്‍ കമ്മീഷന്‍ സ്ഥലത്താണ് വാക്‌സിനേഷന്‍ കേന്ദ്രം ഒരുക്കിയിട്ടുള്ളത്. വെള്ളിയാഴ്ച്ച ഒഴികെയുള്ള ദിവസങ്ങളില്‍ രാവിലെ 7 മുതല്‍ വൈകീട്ട് 7 വരെ പ്രവര്‍ത്തിക്കുന്നുണ്ട്.
അതേസമയം,രജിസ്റ്റർ ചെയ്യുന്ന കമ്പനികളിലെ തൊഴിലാളികൾക്കാണ് നിലവിൽ ഈ കേന്ദ്രത്തിൽ വാക്സിൻ നൽകുന്നത്. നിശ്ചിത ദിവസം രജിസ്റ്റർ ചെയ്ത രേഖകളുമായി കേന്ദ്രത്തിൽ എത്തണം.രജിസ്റ്റർ ചെയ്തതിന്റെ രേഖ തൊഴിലാളികളുമായി എത്തുന്ന വാഹനത്തിൽ സൂക്ഷിച്ചിരിക്കണം.ഇതുണ്ടെങ്കിൽ മാത്രമേ വാഹനം അകത്തേക്ക് കടത്തിവിടുന്നുള്ളൂ.
എന്നാൽ,ഇതുമായി ബന്ധപ്പെട്ടു പലർക്കും വേണ്ടത്ര വ്യക്തത ഇല്ലാത്തതിനാൽ നിരവധി പേരാണ് ഇവിടെയെത്തി വാക്സിൻ ലഭിക്കാതെ മടങ്ങുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
