March 19, 2023
March 19, 2023
ന്യൂസ്‌റൂം ബ്യുറോ
ദോഹ : മലബാർ അടുക്കള റേഡിയോ മലയാളം 98.6 എഫ് എമ്മുമായി സഹകരിച്ച് , 'ചിത്രഗീതം' എന്ന പേരിൽ മലയാളത്തിൻ്റെ വാനമ്പാടി കെ.എസ് ചിത്ര നയിക്കുന്ന സംഗീതവിരുന്ന് ഒരുക്കുന്നു. ഏപ്രിൽ 22 ന് ചെറിയ പെരുന്നാളിനോട് അനുബന്ധിച്ച് നടക്കുന്ന സർഗ സായാഹ്നത്തിൽ മാപ്പിളപ്പാട്ടുകളുടെ സുൽത്താൻ കണ്ണൂർ ഷരീഫും അരങ്ങിലെത്തും.പിന്നണി ഗായകൻ കെ. കെ നിഷാദും, വയലിനിസ്റ്റ് വേദമിത്രയും ഉൾപ്പെടുന്ന പതിനഞ്ചോളം കലാകാരന്മാർ ഇവർക്കൊപ്പം വേദിയിലെത്തും.
ഏപ്രിൽ 22 ശനിയാഴ്ച അൽ അറബ് സ്പോർട്സ് ക്ലബ്ബിലാണ് ചിത്രഗീതം നടക്കുക.സൈത്തൂൻ റെസ്റ്റോറൻ്റിൽ നടന്ന വാർത്താ സമ്മേളനത്തിൽ പരിപാടിയുടെ പോസ്റ്റർ ഐസിസി പ്രസിഡൻ്റ് മണികണ്ഠനും.വീഡിയോ ടീസർ ഐസിബിഎഫ് പ്രസിഡൻ്റ് ഷാനവാസ് ബാവയും പുറത്തിറക്കി.റിയാദ മെഡിക്കൽ സെൻ്റർ പ്രതിനിധി മാനസ, ലോങ്ങ്ലാസ്റ്റ് ലാബ് ഗ്രൂപ്പ് ഡയറക്ടർ ഇസ്മയിൽ , ഗ്രാൻഡ് മാൾ റീജണൽ ഡയറക്ടർ അഷ്റഫ് ചിറക്കൽ, എബിൾ ഇൻ്റർനാഷണൽ ഗ്രൂപ്പ് മാനേജർ അൻസാർ, നാഷണൽ എക്സ്ചേഞ്ച് , ജിഇഡി ട്രാവൽസ്, ജെം ആട്ടോപെയിൻ്റ്സ്, ഹോട്ട് പാക്ക്, ഗുഡ്‌വിൽ കാർഗോ പ്രതിനിധികളും വാർത്താ സമ്മേളനത്തിൽ പങ്കെടുത്തു. മലബാർ അടുക്കള അഡ്മിൻ ഷഹാന ഇല്യാസ്, റേഡിയോ മലയാളം മാർക്കറ്റിംഗ് മാനേജർ നൗഫൽ അബ്ദുറഹ്മാൻ, പ്രോഗ്രാം കൺവീനർ അസീസ് പുറായിൽ എന്നിവർ നേതൃത്വം നൽകി.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/BA70KEJMeBmGW92ahNcBva
