September 14, 2021
September 14, 2021
ദോഹ: ദീര്ഘകാലം ഖത്തറില് പ്രവാസിയായിരുന്ന തൃശൂര് ചാവക്കാട് മുല്ലശ്ശേരി കണ്ണോത്ത് കെ.കെ ഹുസൈന് ( 66) നാട്ടില് നിര്യാതനായി. ശ്വാസകോശ സംബന്ധമായ രോഗത്തിന് ചികിത്സയിലായിരുന്നു. 39 വര്ഷത്തോളം ഖത്തറില് സലാം സ്റ്റോര് ആന്റ് സ്റ്റുഡിയോ ഗ്രൂപ്പില് ജോലി ചെയ്തുവരികെയാണ് അസുഖ ബാധിതനായി നാട്ടിലേക്ക് മടങ്ങിയത്.
രോഗം അല്പം ഭേദമായതിനെ തുടർന്ന് ഖത്തറില് തിരികെയെത്തി ഔദ്യോഗിക ചുമതലകള് എല്ലാം ഒഴിവാക്കി വീണ്ടും നാട്ടിലേക്ക് മടങ്ങുകയായിരുന്നു. കൊച്ചി ആസ്റ്റര് മെഡിസിറ്റിയില് ചികിത്സയിലിരിക്കെയാണ് മരണം. ഉദയം പഠനവേദിയുടെ ആദ്യകാല പ്രവര്ത്തകരില് ഒരാളായിരുന്നു ഇദ്ദേഹം. വിയോഗത്തില് ഉദയം പഠനവേദി അനുശോചിച്ചു. ഭാര്യ: നജ്മ. മക്കള്: ഷഹാന,സൈദ, സഫ, ഹഷ്ന, സൈഹ. മരുമകന്: ജിഷാര്. ഖബറടക്കം വെങ്കിടങ്ങ് കണ്ണോത്ത് ജുമാഅത്ത് ഖബര്സ്ഥാനില്.