October 05, 2022
October 05, 2022
ന്യൂസ്റൂം ബ്യുറോ
ദോഹ ഖത്തറിൽ ലോകകപ്പ് നടക്കുമ്പോഴുള്ള സർക്കാർ മേഖലയിലെ ജീവനക്കാരുടെ ജോലി സമയം പ്രഖ്യാപിച്ചു.ഇതനുസരിച്ച്,: നവംബർ 1 മുതൽ ഡിസംബർ 19 വരെ, സർക്കാർ മേഖലയിലെ ജീവനക്കാരുടെ എണ്ണം 20 ശതമാനായി കുറയ്ക്കും. 80 ശതമാനം ജീവനക്കാർ ഓഫീസിൽ ഹാജരാകാതെ ജോലി ചെയ്താൽ മതിയെന്നാണ് നിർദേശം. സർക്കാർ ഓഫീസുകളിലെ പ്രവൃത്തി സമയം രാവിലെ 7 മുതൽ 11 വരെ ആയിരിക്കും.
ഇന്ന് ചേർന്ന ഖത്തർ മന്ത്രി സഭായോഗത്തിലാണ് ഇത് സംബന്ധിച്ച ഔദ്യോഗിക പ്രഖ്യാപനമുണ്ടായത്.ഫിഫ ലോകകപ്പിനായുള്ള ക്രമീകരണങ്ങളുടെ ഭാഗമായാണ് കാബിനറ്റ് തീരുമാനം പ്രഖ്യാപിച്ചത്.
സുരക്ഷ, സൈനികം, ആരോഗ്യം, വിദ്യാഭ്യാസം എന്നീ മേഖലകളെ ഈ തീരുമാനങ്ങളിൽ നിന്ന് ഒഴിവാക്കിയിട്ടുണ്ട്.അതേസമയം, സ്വകാര്യ മേഖലയിൽ പ്രവർത്തിക്കുന്ന സ്ഥാപനങ്ങൾക്ക് തീരുമാനം ബാധകമാവില്ല.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FZrPbBIed7U4lm5VsQzYgH എന്ന ലിങ്കിൽ ജോയിൻ ചെയ്യുക