September 14, 2022
September 14, 2022
ന്യൂസ്‌റൂം ബ്യുറോ
മസ്കത്ത് : എയർ ഇന്ത്യ എക്സ്പ്രസ് വിമാനത്തിന്റെ എൻജിനുകളിലൊന്നിൽ തീപിടിത്തമുണ്ടായതായും തിക്കിലും തിരക്കിലും പെട്ട് യാത്രക്കാർക്ക് നിസാര പരിക്കേറ്റതായും ഒമാൻ സിവിൽ ഏവിയേഷൻ അതോറിറ്റി (സിഎഎ) അറിയിച്ചു. ഇന്ന് രാവിലെ ഒമാൻ സമയം 11:33 ന് കൊച്ചി വിമാനത്താവളത്തിലേക്ക് പോകേണ്ട എയർ ഇന്ത്യ എക്സ്പ്രസ് നമ്പർ IX442 വിമാനമാണ് അപകടത്തിൽ പെട്ടത്.
വിമാനത്തിൽ 141 യാത്രക്കാരാണ് ഉണ്ടായിരുന്നതെന്നും എല്ലാവരും സുരക്ഷിതരാണെന്നും ആശങ്കപ്പെടേണ്ട ആവശ്യമില്ലെന്നും എയര്‍ ഇന്ത്യ അറിയിച്ചു. നിലവിൽ സാങ്കേതിക സുരക്ഷാ ഉദ്യോഗസ്ഥർ വിമാനത്തിനുള്ളിൽ പരിശോധന നടത്തുകയാണ്. വിമാനത്തിന് തീ പിടിക്കാനുണ്ടായ കാരണം എന്താണെന്ന് ഇനിയും വ്യക്തമായിട്ടില്ല. സംഭവത്തിൽ അന്വേഷണം നടത്തും.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CnQu0Sm89HsFGubs4fWsFe എന്ന ലിങ്കിൽ ജോയിൻ ചെയ്യുക
