November 10, 2022
November 10, 2022
ന്യൂസ്റൂം ബ്യുറോ
ദോഹ: ഖത്തർ ഇൻകാസ് കോഴിക്കോട് ജില്ലാ കമ്മിറ്റി വനിതാ വിഭാഗത്തിന്റെ നേതൃത്വത്തിൽ സംഘടിപ്പിച്ച സ്തനാർബുദ രോഗ നിർണയ,ബോധവത്കരണ ക്യാമ്പിന് മികച്ച പ്രതികരണം. സി റിങ് റോഡിലെ റിയാദാ മെഡിക്കൽ സെന്ററുമായി ചേർന്ന് നടത്തിയ ക്യാമ്പിൽ ഗൈനക്കോളജി,ജനറൽ മെഡിസിൻ വിഭാഗങ്ങളിലെ ഡോക്ടർമാരുടെ സേവനത്തോടൊപ്പം സ്ത്രീകളിൽ വർധിച്ചു വരുന്ന സ്തനാർബുദ രോഗത്തെ കുറിച്ചും അതിന്റെ കാരണങ്ങളെ കുറിച്ചും പ്രതിവിധികളെ കുറിച്ചും ഗൈനെക്കോളജി വിഭാഗം ഡോ.വിജയലക്ഷ്മി ക്ളാസെടുത്തു.
പങ്കെടുത്ത മുഴുവൻ അംഗങ്ങൾക്കും സൗജന്യ രക്തപരിശോധന നടത്തി. അംഗങ്ങൾക്കുള്ള മെഡിക്കൽ ഡിസ്കൗണ്ട് കാർഡ് വിതരണം റിയാദ മെഡിക്കൽ സെന്റർ എംഡി ജംഷീർ ഹംസ നിർവഹിച്ചു. ഐസിബിഎഫ് ആക്ടിങ് പ്രസിഡന്റ് വിനോദ് നായർ ഉൽഘാടനം ചെയ്തു..ജില്ലാ പ്രസിഡന്റ് വിപിൻ പി.കെ അധ്യക്ഷനായിരുന്നു.മെഡിക്കൽ വിങ് ഹെഡ് ജില്ലാ വർക്കിംഗ് പ്രസിഡന്റ് അസീസ് പുറായിൽ,ട്രഷറർ ഹരീഷ്കുമാർ എന്നിവർ സംസാരിച്ചു.
ഖത്തറിലെ സാമൂഹ്യ സാംസ്കാരിക മേഖലയിലെ പ്രമുഖരായ മിലൻ അരുൺ (ഐസിസി മുൻ പ്രസിഡന്റ്),സി.കെ അഞ്ജന മേനോൻ (ഭവൻസ് സ്കൂൾ),,സിയാദ് ഉസ്മാൻ (ഐസിബിഎഫ് മുൻ പ്രസിഡന്റ്), കെകെ ഉസ്മാൻ (ഇൻകാസ് ഗ്ലോബൽ), റഊഫ് കൊണ്ടോട്ടി എന്നിവർ സംസാരിച്ചു. പ്രോഗ്രാം കമ്മിറ്റി ചെയർപേഴ്സൺ ഷഹാന ഇല്യാസ്, ജനറൽ കൺവീനർ ജീജാ ലക്ഷ്മി എന്നിവർ നേതൃത്വം നൽകി.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക