January 11, 2022
January 11, 2022
ദോഹ : ഖത്തറിൽ കോവിഡ് വാക്സിൻ രണ്ട് ഡോസുകളും സ്വീകരിച്ച അർഹരായ മുഴുവൻ ആളുകളും ബൂസ്റ്റർ ഡോസ് സ്വീകരിക്കണമെന്നാണ് ആരോഗ്യമന്ത്രാലയത്തിന്റെ നിർദേശം.എന്നാൽ ഇതുസംബന്ധിച്ച് നിരവധി സംശയങ്ങളാണ് മലയാളികൾ ഉന്നയിക്കുന്നത്.
അമ്പത് വയസ്സിന് മുകളിൽ പ്രായമുള്ള,രോഗപ്രതിരോധ ശേഷി കുറഞ്ഞവരും കോവിഡ് അപകട സാധ്യത വർധിപ്പിക്കുന്ന വിട്ടുമാറാത്ത രോഗാവസ്ഥ ഉള്ളവർക്കുമാണ് ഈ ഘട്ടത്തിൽ ബൂസ്റ്റർ ഡോസ് നൽകുന്നത്.
40277077 - 33253128 - 55193240 എന്നീ നമ്പറുകളിൽ വിളിച്ചോ നിർദിഷ്ട ഹെൽത്ത് സെന്ററുകളിൽ നിന്നോ ഇതിനുള്ള അപ്പോയിന്മെന്റ് എടുക്കാവുന്നതാണ്.107 ൽ വിളിച്ചും അപ്പോയിന്മെന്റ് എടുക്കാവുന്നതാണ്.107 ൽ മലയാളത്തിലും സേവനങ്ങൾ ലഭ്യമാണ്.
നിലവിൽ ഫൈസർ,മോഡേണാ വാക്സിനുകളാണ് ഖത്തറിൽ നൽകിവരുന്നത്.നാട്ടിൽ നിന്ന് രണ്ട് ഡോസുകൾ സ്വീകരിച്ച് ആറു മാസം പൂർത്തിയാക്കിയവർക്ക് ഖത്തറിൽ എത്തിയാൽ ബൂസ്റ്റർ ഡോസ് എടുക്കാവുന്നതാണ്.
ഇതിനിടെ, 12 മുതൽ 15 വയസുവരെയുള്ള കുട്ടികൾക്കും ഫൈസർ വാക്സിൻ നൽകുന്നതിന് പൊതുജനാരോഗ്യമന്ത്രാലയം അംഗീകാരം നൽകിയിട്ടുണ്ട്.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
