December 13, 2022
December 13, 2022
ന്യൂസ്റൂം ബ്യുറോ
ദോഹ : ഇന്ന് ആരംഭിക്കുന്ന ഫിഫ ലോകകപ്പ് സെമിഫൈനൽ മത്സരങ്ങൾ കാണാൻ ബോളിവുഡിൽ നിന്ന് വമ്പൻ താരനിര. മൗനി റോയ്, മാനുഷി ചില്ലർ, ആമിർ ഖാൻ തുടങ്ങി നിരവധി ബോളിവുഡ് സെലിബ്രിറ്റികൾ തങ്ങളുടെ പ്രിയപ്പെട്ട ടീമുകളുടെ കളി കാണാനായി ഇതിനോടകം ഖത്തറിൽ എത്തിയിട്ടുണ്ട്.
പ്രണയ ജോഡികളെന്ന് പറയപ്പെടുന്ന അനന്യ പാണ്ഡെയും ആദിത്യ റോയ് കപൂറും സെമി ഫൈനൽ കാണാൻ ഖത്തറിലെത്തിയതായാണ് ഏറ്റവും പുതിയ റിപ്പോർട്ട്. നാട്ടിൽ നിന്നും പിതാവിനൊപ്പം ഇവർ ഖത്തറിലേക്ക് യാത്ര തിരിക്കുന്ന വീഡിയോ ഇൻസ്റ്റയിൽ പങ്കുവെച്ചിട്ടുണ്ട്. ഇവരെ കൂടാതെ ഷനായ കപൂർ, സഞ്ജയ് കപൂർ, ജഹാൻ കപൂർ, ചങ്കി പാണ്ഡെ എന്നിവരും ദോഹയിൽ എത്തിയിട്ടുണ്ട്.
നേരത്തെ അമീർഖാനും ആദ്യഭാര്യയും മകനും ലുസൈൽ സ്റ്റേഡിയത്തിന് സമീപം ഫോട്ടോയെടുക്കുന്ന ചിത്രങ്ങൾ സമൂഹമാധ്യമങ്ങളിൽ പ്രചരിച്ചിരുന്നു.
സെമി ഫൈനലിൽ ഇന്ന് കിരീട ഫേവറേറ്റുകളായ അർജന്റീന കറുത്ത കുതിരകളായ ക്രൊയേഷ്യയെ നേരിടും. നാളെ നടക്കുന്ന മത്സരത്തിൽ ഫ്രാൻസ് അട്ടിമറി വീരന്മാരായ മൊറോക്കോയെ നേരിടും.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക