May 22, 2023
May 22, 2023
ന്യൂസ്റൂം ബ്യുറോ
മുംബൈ :ഖത്തർ എയർവെയ്സ് ജീവനക്കാർക്കെതിരെ രൂക്ഷ വിമർശനവുമായി ബോളിവുഡ് നടിയും മോഡലുമായ ഇഷ ഗുപ്ത.ഇൻസ്റ്റഗ്രാമിലാണ് താരം ദില്ലിയിലെ ഖത്തർ എയർവെയ്സ് ജീവനക്കാരുടെ മോശം പെരുമാറ്റത്തെ അധിക്ഷേപിച്ച് പോസ്റ്റിട്ടത്. ഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിലെ ഖത്തർ എയർവെയ്സ് ജീവനക്കാർ ഏറ്റവും മോശം ജീവനക്കാരും പരുഷ സ്വഭാവക്കാരും സഹായ മനസ്ഥിതി ഇല്ലാത്തവരാണെന്നും അവർ ഇൻസ്റ്റയിൽ കുറിച്ചു.ഈ ജീവനക്കാർ തുടരുന്നത് ഖത്തർ എയർവേയ്സിന്റെ സൽപേരിനെ ബാധിക്കുമെന്നും അവർ കൂട്ടിച്ചേർക്കുന്നുണ്ട്. അതേസമയം,അവർക്കുണ്ടായ അനുഭവം എന്താണെന്നോ യാത്രയുടെ വിശദാംശങ്ങളോ താരം വെളിപ്പെടുത്തിയില്ല.
ആദ്യമായല്ല,ഇഷ ഗുപ്ത വിമാനക്കമ്പനികളുടെ സർവീസുകളെ വിമർശിക്കുന്നത്.നേരത്തെ, യാത്രക്കാരെ അറിയിക്കാതെ ഫ്ലൈയിംഗ് ഷെഡ്യൂൾ മാറ്റിയതിന് എയർ ഏഷ്യയെ താരം രൂക്ഷമായി വിമർശിച്ചിരുന്നു.
ദോഹ ആസ്ഥാനമായുള്ള ഖത്തർ എയർവെയ്സ് ലോകമെമ്പാടുമുള്ള 150 ലക്ഷ്യസ്ഥാനങ്ങളിലേക്ക് സർവീസ് നടത്തുന്നുണ്ട്. സ്കൈട്രാക്സിന്റെ എയർലൈൻ ഓഫ് ദി ഇയർ പുരസ്കാരം ഉൾപെടെ നിരവധി അന്താരാഷ്ട്ര പുരസ്കാരങ്ങൾ സ്വന്തമാക്കിയ ഖത്തർ എയർവെയ്സ് ലോകത്തെ ഏറ്റവും മികച്ച എയർലൈനുകളിൽ മുൻപന്തിയിലാണ്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe