September 24, 2022
September 24, 2022
ന്യൂസ്റൂം ബ്യുറോ
ദോഹ :ലോകകപ്പിന് മുന്നോടിയായി ഖത്തറിലെ ബെൽജിയം ഫാൻസ് ഗ്രൂപ്പ് പ്രഥമ ഫാൻസ് മീറ്റ് സംഘടിപ്പിച്ചു. ലോകകപ്പ് കൗണ്ട് ഡൗൺ ക്ലോക്കിന് സമീപം ഒത്തുചേർന്ന ആരാധക സംഘം കോർണഷിലെ സന്ദർശകരിലേക്കും കാൽപന്തുകളിയുടെ ആവേശം കൈമാറി.
ഫിഫ ലോകകപ്പ് 2022 ഫാൻ എൻഗേജ്മെന്റിന്റെ ഭാഗമായി ഖത്തറിലെ സുപ്രീം കൗൺസിൽ ഓഫ് ഡെലിവെറി ആൻഡ് ലെഗസി തിരഞ്ഞെടുത്ത ഫാൻ ലീഡർ ഇർഫാൻ പകരയുടെ നേതൃത്വത്തിലായിരുന്നു സംഘം ഒത്തുകൂടിയത്..ഖത്തറിൻ്റെ നാനാഭാഗങ്ങളിൽ നിന്നും എത്തിയ ആരാധകർ കോർണിഷിലെ സന്ദർശകർക്കായി വ്യത്യസ്തങ്ങളായ ഫാൻ ഇവന്റുകൾ സംഘടിപ്പിച്ചു. ഗ്രൂപ്പ് അംഗങ്ങൾ ഒന്നിച്ച് നടത്തിയ സൗഹൃദ ബോട്ട് യാത്ര ഫാൻസ് മീറ്റിന് പുത്തൻ അനുഭവം പകർന്നു.
ഡിസംബർ 18ന് ഖത്തറിലെ ലുസൈൽ സ്റ്റേഡിയത്തിൽ ഈഡൻ ഹസാർഡിൻ്റെ നേതൃത്വത്തിൽ ലോകക്കപ്പ് കളിക്കാനെത്തുന്ന ബെൽജിയത്തിൻ്റെ സുവർണ്ണ തലമുറ കിരീടം നേടുമെന്ന് ഫഹദ് പ്രത്യാശ പ്രകടപ്പിച്ചു. ഷാഫി, ബാബു എന്നിവർ പരിപാടികൾക്ക് നേതൃത്വം നൽകി. തുടർന്നും പുതുമയാർന്ന പരുപാടികളുമായി ലോകകപ്പിൻ്റെ നാൾ വഴികളിൽ ബെൽജിയം ഫാൻസ് ഖത്തർ സജീവമായിരിക്കുമെന്ന് സംഘം അറിയിച്ചു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/HU1j0QE7i26GnMur8CmUvF എന്ന ലിങ്കിൽ ജോയിൻ ചെയ്യുക