July 25, 2023
July 25, 2023
ന്യൂസ്‌റൂം ബ്യുറോ
ദോഹ : മുഹറം മാസത്തിലെ ആഷുറാ ദിനത്തിൽ എല്ലാ മുസ്‌ലിം മത വിശ്വാസികളും നോമ്പെടുക്കണമെന്ന് എൻഡോവ്‌മെന്റ്, ഇസ്ലാമിക് അഫയേഴ്സ് മന്ത്രാലയം പ്രസ്താവനയിൽ ആവശ്യപ്പെട്ടു.പണ്ഡിതന്മാരുടെ അഭിപ്രായത്തിൽ, നോമ്പിന് മൂന്ന് തരം ഉണ്ട്:
പണ്ഡിതന്മാരുടെ അഭിപ്രായത്തിൽ മുഹറം 9,10, 11 ദിവസങ്ങളിൽ തുടർച്ചയായി 3 ദിവസം നോമ്പെടുക്കുന്നവരും മുഹറം 9, 10 ദിവസങ്ങളിൽ രണ്ടു ദിവസം മാത്രം നോമ്പനുഷ്ഠിക്കുന്നവരുമുണ്ട്.മുഹറം 10ന് മാത്രം നോമ്പെടുക്കുന്നവരുമുണ്ട്.ഒൻപതാം ദിവസം നോമ്പെടുക്കാൻ കഴിയാത്തവർ 10,11 ദിവസങ്ങളിൽ വ്രതം അനുഷ്ഠിക്കുന്നതും അനുവദനീയമാണ്.
ഹിജ്‌രി കലണ്ടർ പ്രകാരം ആദ്യ മാസമായ മുഹറത്തിന് വിശ്വാസികൾ വലിയ പ്രാധാന്യം കൽപിക്കുന്നുണ്ട്. പത്തോളം പ്രവാചകന്മാരെ പ്രതിസന്ധികളിൽ നിന്ന് അള്ളാഹു ആദരിച്ച മാസമാണ് മുഹറം. പരിശുദ്ധ ഖുറാനും തിരുസുന്നത്തും ഈ മാസത്തിൻ്റെ മഹത്വം വെളിപ്പെടുത്തുന്നുണ്ട്. മുഹറം 9, 10 ദിവസങ്ങളെ താസൂആ, ആശൂറാ എന്നാണ് വിളിക്കുന്നത്. മുഹറത്തിലെ വളരെ പവിത്രമായ ദിനങ്ങളാണ് താസൂആ, ആശൂറാ ദിനങ്ങൾ.. ഈ ദിനങ്ങളിലെ നോമ്പ് വളരെ പുണ്യമുള്ള കാര്യമായാണ് കണക്കാക്കുന്നത്. ഹിജ്‌രി കലണ്ടർ പ്രകാരം ഇന്ന് (ചൊവ്വ) മുഹറം 7 ആണ്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- chttps://chat.whatsapp.com/IkqmkUPd0fhGs9abNGXONm
