May 10, 2023
May 10, 2023
ന്യൂസ്റൂം ബ്യൂറോ
ദോഹ: ഖത്തര് പൊതുമരാമത്ത് അതോറിറ്റി അഷ്ഗലിന് ബ്രിട്ടീഷ് സേഫ്റ്റി കൗണ്സിലിന്റെ 8 അന്താരാഷ്ട്ര അവാര്ഡുകള്. ലോക്കല് ഏരിയസ് ഇന്ഫ്രാസ്ട്രക്ചര് പ്രോജക്ടുകള്ക്കായുള്ള ബ്രിട്ടീഷ് സേഫ്റ്റി കൗണ്സിലിന്റെ എട്ട് അവാര്ഡുകളാണ് തുടര്ച്ചയായ നാലാം തവണയും അഷ്ഗല് സ്വന്തമാക്കുന്നത്. ഈ വിഭാഗത്തിലെ ഏറ്റവും ഉയര്ന്ന ഗ്രേഡായി കണക്കാക്കപ്പെടുന്ന അന്താരാഷ്ട്ര സുരക്ഷാ അവാര്ഡ് ഡിസ്റ്റിംഗ്ഷനോടുകൂടി ഉംസലാലിലെ (പാക്കേജ് 1) റോഡ്സ് ആന്ഡ് ഇന്ഫ്രാസ്ട്രക്ചര് പോജക്ടിന് ലഭിച്ചു.
അതേസമയം, അഞ്ച് പ്രോജക്ടുകള് മെറിറ്റോടെ അന്താരാഷ്ട്ര സുരക്ഷാ അവാര്ഡ് കരസ്ഥമാക്കി. അല് വജ്ബ ഈസ്റ്റ് റോഡ് (പാക്കേജുകള് 1 & 3) , അല് മീറാദിലെ റോഡ്(പാക്കേജ് 3), ജെറിയന് നെജൈമ, സെമൈസ്മ വില്ലേജിലെ റോഡുകള്(പാക്കേജ് 1), ഉം സലാൽ അലി, ഉം എബൈരിയ വില്ലേജ്, സൗത്ത് ഉം അല് അമദ്, നോര്ത്ത് ബു ഫെസെല റോഡ് (പാക്കേജ് 1) എന്നിവയാണ് അവ.
കൂടാതെ, ബു സമ്ര ബോര്ഡര് ക്രോസിംഗ് പ്രോജക്റ്റ്, അല് മീറാദ്, സൗത്ത് വെസ്റ്റ് ഓഫ് മുഐതര് (പാക്കേജ് 2) എന്നിവിടങ്ങളിലെ റോഡ്സ് ആന്ഡ് ഇന്ഫ്രാസ്ട്രക്ചര് പ്രോജക്റ്റിന് ഇന്റര്നാഷണല് സേഫ്റ്റി അവാര്ഡ് ലഭിച്ചു.
പൊതുമരാമത്ത് അതോറിറ്റിയുടെ നേട്ടത്തെ ബ്രിട്ടീഷ് സേഫ്റ്റി കൗണ്സില് അഭിനന്ദിച്ചു. സുരക്ഷയ്ക്കും ആരോഗ്യത്തിനും നല്കുന്ന പ്രാധാന്യമാണ് ഈ അവാര്ഡുകള് നേടിയെടുക്കാന് അഷ്ഗലിനെ പ്രാപ്തമാക്കിയതെന്ന് ബ്രിട്ടീഷ് സേഫ്റ്റി കൗണ്സിലിന്റെ ചീഫ് എക്സിക്യൂട്ടീവ് ഓഫീസര് മൈക്ക് റോബിന്സണ് പറഞ്ഞു.
ജോലിസ്ഥലത്തെ പരിക്കുകളും ജോലി സംബന്ധമായ അനാരോഗ്യവും തടയുന്നതില് ഇന്റര്നാഷണല് സേഫ്റ്റി അവാര്ഡി സ്കീം തങ്ങളുടെ പ്രതിബദ്ധത പ്രകടമാക്കി കൊണ്ട് കഴിഞ്ഞ 65 വര്ഷമായി പ്രവര്ത്തിച്ചുവരുന്നു. പൊതുമരാമത്ത് അതോറിറ്റികളുടെ പ്രവര്ത്തനങ്ങള് ഇന്റര്നാഷണല് സേഫ്റ്റി അവാര്ഡ്സ് സ്വതന്ത്ര ജഡ്ജിംഗ് പാനല് നിരന്തരം വിലയിരുത്തിയശേഷമാണ് അവാര്ഡുകള് പ്രഖ്യാപിക്കുന്നത്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL