July 03, 2023
July 03, 2023
അൻവർ പാലേരി
ദോഹ : രണ്ടാം പെരുന്നാൾ ദിനത്തിൽ അൽഖോറിൽ വാഹനാപകടത്തിൽ മരിച്ച അഞ്ച് ഇന്ത്യക്കാരുടെ മൃതദേഹങ്ങൾ ഇന്ന്(തിങ്കൾ) നാട്ടിലേക്കു കൊണ്ടുപോകുമെന്ന് ഖത്തർ കെ.എം.സി.സി അൽ ഇഹ്സാൻ മയ്യിത്ത് പരിപാലന കമ്മറ്റി അറിയിച്ചു.,തമിഴ്നാട് സ്വദേശി കളായ പ്രവീൺ കുമാർ (38)നാഗലക്ഷ്മി (32) എന്നിവരുടെ മൃതദേഹം രാത്രി 10 മണിക്കുള്ള ശ്രീലങ്കൻ എയർവെയ്സ് വിമാനത്തിൽ മധുരയിലേക്കാണ് കൊണ്ടുപോകുന്നത്. മലയാളികളായ റോഷിൻ ജോൺ (38)ഭാര്യ ആൻസി ഗോമസ് (30)എന്നിവരുടെ മൃതദേഹങ്ങൾ വൈകീട്ട് 7:30 നുള്ള ഖത്തർ എയർവെയ്സ് വിമാനത്തിൽ തിരുവനന്തപുരം വിമാനത്താവളത്തിലേക്കും,ആൻസിയുടെ സഹോദരൻ ജിജോ ഗോമസി(33)ന്റെ മൃതദേഹം വൈകീട്ട് 7:00 മണിക്കുള്ള ഖത്തർ എയർവെയ്സ് വിമാനത്തിൽ കൊച്ചിയിലേക്കും കൊണ്ടുപോകും.
കഴിഞ്ഞ ബുധനാഴ്ച രാത്രി ഇവർ സഞ്ചരിച്ച വാഹനം അൽഖോർ ഫ്ളൈ ഓവറിൽ നിന്ന് താഴേക്ക് മറിഞ്ഞാണ് അപകടമുണ്ടായത്.വാഹനത്തിലുണ്ടായിരുന്ന റോഷൻ,ആൻസി ദമ്പതികളുടെ മകൻ ഒഴികെ അഞ്ചു പേരും തൽക്ഷണം മരിക്കുകയായിരുന്നു.
അൽ ഇഹ്സാൻ മയ്യിത്ത് പരിപാലന കമ്മിറ്റിയുടെ നേതൃത്വത്തിലാണ് ഔദ്യോഗിക നടപടികൾ പൂർത്തിയാക്കിയത്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക-https://chat.whatsapp.com/GjQM19221WxKnWo2cdbsZe