July 17, 2021
July 17, 2021
ദോഹ: സ്പോർട്സ് രംഗത്തെ പ്രമുഖ ബ്രാന്റായ പ്യൂമയെ ബഹിഷ്കരിക്കാന് ഖത്തറില് ആഹ്വാനം. ഇസ്രായേലുമായി ബന്ധമുള്ള കമ്പനിയുമായി കരാര് ഒപ്പിട്ടതിന്റെ പേരിലാണ് അല് റയാന് ക്ലബ്ബിനെതിരെ സമൂഹമാധ്യമങ്ങളിലും മറ്റുമായി പ്രതിഷേധം ഉയരുന്നത്.. 2021 സീസണിലെ സ്പോണ്സര്മാരായി പ്യൂമയുമായി കരാറുണ്ടാക്കിയതായി കഴിഞ്ഞ ദിവസം അല്റയാന് അറിയിച്ചിരുന്നു.ഇതിനു പിന്നാലെ സയണിസ്റ്റുകളെ സഹായിക്കുന്ന പ്യൂമയുടെ ഉല്പ്പന്നങ്ങള് ബഹിഷ്കരിക്കാന് ഖത്തറിലെ വിവിധ യുവജന ഗ്രൂപ്പുകള് ആഹ്വാനം ചെയ്യുകയായിരുന്നു. ഖത്തര് യൂത്ത് ഒപ്പോസ്ഡ് ടു നോര്മലൈസേഷന് ( ക്വയോണ്) ആണ് നേരത്തെ ബഹിഷ്കരണ ആഹ്വാനം നടത്തിയത്. ഗസ്സയില് 66 കുട്ടികളടക്കം 248 പേരെ ഇസ്രായേല് വധിച്ചപ്പോഴാണ് പ്രതിഷേധവുമായി ഇവര് വന്നത്. 2021 സീസണിലെ പ്യൂമയുടെ സ്പോണ്സറായിരിക്കുമെന്ന് അല് റയാന് സ്പോർട്സ് ക്ലബ് ബുധനാഴ്ചയാണ് ട്വിറ്ററില് അറിയിച്ചത്.