July 26, 2023
July 26, 2023
ന്യൂസ്‌റൂം ബ്യുറോ
ദോഹ : തങ്ങളുടെ മാധ്യമപ്രവർത്തകരിൽ ചിലരെ തീവ്രവാദികളായി മുദ്രകുത്താനുള്ള ഈജിപ്ഷ്യൻ അധികൃതരുടെ തീരുമാനത്തെ അൽ ജസീറ ന്യൂസ് നെറ്റ്‌വർക്ക് അപലപിച്ചു.
ഈ മാസം ആദ്യം, ഈജിപ്തിലെ ഔദ്യോഗിക പത്രത്തിൽ നൽകിയ റിപ്പോർട്ട് പ്രകാരം, തീവ്രവാദികളെന്ന് ആരോപിക്കപ്പെടുന്നവരുടെ കരിമ്പട്ടികയിൽ അൽ ജസീറയിലെ നിരവധി ഈജിപ്ഷ്യൻ മാധ്യമപ്രവർത്തകരെയും അവതാരകരെയും ഉൾപെടുത്തിയതായി ക്രിമിനൽ കോടതി വ്യക്തമാക്കിയിരുന്നു.
"തങ്ങളുടെ നിരവധി മാധ്യമപ്രവർത്തകരെ പുതുതായി തയ്യാറാക്കിയ തീവ്രവാദ പട്ടികയിൾ ഉൾപ്പെടുത്തിയ ഈജിപ്ഷ്യൻ അധികൃതരുടെ നീക്കത്തെ ശക്തമായി അപലപിക്കുന്നു"- അൽ ജസീറ നെറ്റ്‌വർക്ക് ചൊവ്വാഴ്ച പ്രസ്താവനയിൽ പ്രതികരിച്ചു.2020 ഫെബ്രുവരിയിൽ അറസ്റ്റിലായ ബഹാ അൽ-ദിൻ ഇബ്രാഹിം, 2021 ഓഗസ്റ്റിൽ അറസ്റ്റിലായ റബീ അൽ-ഷൈഖ് എന്നീ രണ്ട് റിപ്പോർട്ടർമാരെ ഉടൻ വിട്ടയക്കണമെന്നും അൽ ജസീറ ആവശ്യപ്പെട്ടു.
2013 ൽ മുസ്ലീം ബ്രദർഹുഡിന്റെ നേതൃത്വത്തിലുള്ള ഭരണകൂടത്തെ അട്ടിമറിച്ച് സൈന്യം അധികാരം പിടിച്ചത് മുതൽ അൽ ജസീറയ്‌ക്കെതിരെ ഈജിപ്ത് തുടർച്ചയായ അടിച്ചമർത്തൽ നടപടികൾ ആരംഭിച്ചിരുന്നു.ഇതിന് പിന്നാലെ അൽജസീറയുടെ നിരവധി മാധ്യമ പ്രവർത്തകരെ ഭരണകൂടം അറസ്റ്റ് ചെയ്ത് തടവിലാക്കിയിട്ടുണ്ട്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm
