May 13, 2023
May 13, 2023
ന്യൂസ്റൂം ബ്യൂറോ
ദോഹ: അഹമ്മദ് ബിന് അലി സ്റ്റേഡിയത്തില് നടന്ന ഫൈനലില് അല് സദ്ദിനെ 3-0ന് തകര്ത്ത് അല് അറബിയ കിരീടമണിഞ്ഞു. അമീര് കപ്പിനായുള്ള 30 വര്ഷത്തെ കാത്തിരിപ്പിനാണ് ഇതോടെ വിരാമമായത്.
ആദ്യ പകുതിയില് അല് സദ്ദിനെ ചെറുക്കാനുള്ള ശ്രമങ്ങളാണ് അല് അറബിയ പയറ്റിയതെങ്കില് പിന്നീട് മത്സരം കുടൂതല് ചടുലമാകുകയാണുണ്ടായത്. 1992-93 സീസണിലെ വിജയത്തിനുശേഷമുള്ള അല് അറബിയയുടെ ഈ വിജയമാണിത്. ഇതോടെ ഒന്പതാമത്തെ അമീര് കപ്പ് സ്വന്തമാക്കാന് അല് അറബിയക്ക് സാധിച്ചു. 62-ാം മിനിറ്റില് വോള്വ്സ് നേടിയ മികച്ച ഹെഡ്ഡറിലൂടെ അല് അറബി മുന്നിലെത്തി. 90-ാം മിനിറ്റില് പകരക്കാരനായെത്തിയ ഹമീദ് ഇസ്മയില് അല് അറബിയുടെ വിജയം ഉറപ്പിച്ചു.
അമീര് ഷെയ്ഖ് തമീം ബിന് ഹമദ് അല് താനി വിജയികള്ക്കുള്ള ട്രോഫിയും സ്വര്ണ്ണ മെഡലുകളും അല് അറബി ടീമിനും വെള്ളി മെഡലുകള് അല് സദ്ദ് ടീമിനും സമ്മാനിച്ചു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL