May 20, 2020
May 20, 2020
ദോഹ : ഖത്തറിൽ കോവിഡ് രോഗബാധിതരുടെ എണ്ണം ഉയരുന്ന സാഹചര്യത്തിൽ കൂടുതൽ ചികിത്സാ സൗകര്യം ഒരുക്കുമെന്ന് ഹമദ് മെഡിക്കൽ കോർപറേഷൻ അറിയിച്ചു.ഇതിന്റെ ഭാഗമായി 3500 പേരെ കൂടി കിടത്തി ചികിൽസിക്കാനുള്ള സംവിധാനം രണ്ടാഴ്ചക്കകം തയാറാകുമെന്ന് എച്ച്എംസി ആകിസ്ഡന്റ് കണ്‍ട്രോള്‍ വിഭാഗം ചെയര്‍മാന്‍ ഡോ. സഅദ് അല്‍ കഅബി പറഞ്ഞു. കോവിഡ് മഹാമാരിയെ ഫലപ്രദമായി നേരിടുന്നതിന്റെ ഭാഗമായാണ് നടപടി.നിലവിലുള്ള രോഗികൾക്ക് ചികിത്സാ സൗകര്യങ്ങളുടെ കുറവില്ലെന്നും അദ്ദേഹം കൂട്ടിച്ചേർത്തു.
കമ്യൂണിക്കബിള്‍ ഡിസീസ് സെന്റര്‍, ഹസം മെബെയ്‌രീക്ക് ജനറല്‍ ഹോസ്പിറ്റല്‍, ക്യൂബന്‍ ഹോസ്പിറ്റല്‍, മിസഈദ് ഹോസ്പിറ്റല്‍, റാസ് ലഫാന്‍ ഹോസ്പിറ്റല്‍, ലിബിസിയര്‍ ഹോസ്പിറ്റല്‍, ഇന്‍ഡസ്ട്രിയല്‍ ഏരിയയിലെ ഫീല്‍ഡ് ഹോസ്പിറ്റല്‍ എന്നീ ഏഴ് കേന്ദ്രങ്ങളാണ് നിലവില്‍ ഖത്തറില്‍ കോവിഡ് ചികില്‍സയ്ക്കായി ഉള്ളത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
