March 15, 2023
March 15, 2023
ന്യൂസ്റൂം ബ്യുറോ
ദോഹ:വിദേശ പൗരന്മാരുടെ ഖത്തറിലെ ഉടമസ്ഥാവകാശവും റിയല് എസ്റ്റേറ്റ് ഉപയോഗവും നിയന്ത്രിക്കുന്നതിനുള്ള കമ്മിറ്റിയുടെ അര്ദ്ധ വാര്ഷിക റിപ്പോര്ട്ട് മന്ത്രി സഭ അവലോകനം ചെയ്തു. പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിന് അബ്ദുല്റഹ്മാന് ബിന് ജാസിം അല്താനിയുടെ അധ്യക്ഷതയില് ബുധനാഴ്ച അമീരി ദിവാനിയില് ചേര്ന്ന മന്ത്രിസഭാ യോഗത്തിലാണ് ഇതുൾപ്പെടെയുള്ള വിഷയങ്ങൾ ചർച്ച ചെയ്തത്.
ചെറുകിട ഇടത്തരം സംരംഭങ്ങളെ സംബന്ധിച്ച് വേള്ഡ് ഇന്റിലക്ച്വല് പ്രോപ്പര്ട്ടി ഓര്ഗനൈസേഷനും ഖത്തറും തമ്മിലുള്ള ധാരണാപത്രത്തിന്റെ കരട് അംഗീകരിക്കുന്നതിനെക്കുറിച്ചും മന്ത്രിസഭാ യോഗം ചര്ച്ച ചെയ്തു.
സെന്ട്രല് മുനിസിപ്പല് കൗണ്സില് അംഗങ്ങളുടെ തിരഞ്ഞെടുപ്പിനുള്ള തീയതി നിശ്ചയിക്കാനുള്ള കരട് തീരുമാനങ്ങൾക്കും മന്ത്രിസഭാ യോഗം അനുമതി നല്കി.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/BA70KEJMeBmGW92ahNcBva