November 26, 2022
November 26, 2022
ന്യൂസ്റൂം ബ്യുറോ
ദോഹ : ലോകകപ്പ് സ്റ്റേഡിയത്തിനകത്തേക്ക് മദ്യം കൊണ്ടുവരാൻ അനുമതിയില്ലാത്ത സാഹചര്യത്തിൽ പഴുതടച്ച പരിശോധനയുമായി അധികൃതർ.ഇതിനിടെ,ബൈനോക്കുലറിനുള്ളിൽ ഒളിപ്പിച്ച് മദ്യം കടത്താൻ ശ്രമിച്ച ഫുട്ബോൾ ആരാധകനെ സുരക്ഷാ ഉദ്യോഗസ്ഥർ തടയുന്നതിന്റെ ദൃശ്യം സമൂഹ മാധ്യമങ്ങളിൽ വൈറലായി.
Qatari security confiscates binoculars a fan used to hide an alcoholic drink in. pic.twitter.com/btLUYz4F8T
— FT90Extra (@FT90Extra) November 23, 2022
സ്റ്റേഡിയത്തിലേക്കുള്ള പ്രവേശന കവാടത്തില് സുരക്ഷാ ഉദ്യോഗസ്ഥന് ആരാധകന്റെ കൈയില് നിന്ന് ബൈനോകുലര് വാങ്ങി പരിശോധിക്കുന്നതാണ് വിഡിയോയിലുള്ളത്. മണത്തുനോക്കിയശേഷം അത് മദ്യമാണെന്ന് അവര് സ്ഥിരീകരിക്കുന്നതും വിഡിയോയിലുണ്ട്.
ബൈനോകുലറിലൂടെ നോക്കുമ്പോള് ഒന്നും കാണാത്തതിനെ തുടര്ന്ന് സംശയം തോന്നിയ ഉദ്യോഗസ്ഥന് അത് അഴിച്ചു പരിശോധിച്ചപ്പോഴാണ് മദ്യത്തിന്റെ മണമടിച്ചത്. എന്നാല് ഇത് മദ്യമല്ലെന്നും ഹാന്ഡ് സാനിറ്റൈസറാണെന്നുമാണ് ആരാധകന് സുരക്ഷാ ഉദ്യോഗസ്ഥരോട് വാദിച്ചത്.
അതേസമയം,വി.ഐ.പികൾക്ക് ഗാലറികളിൽ മദ്യം അനുവദിക്കുന്നുണ്ടെന്ന തരത്തിൽ തെറ്റായ പ്രചാരണവും നടക്കുന്നുണ്ട്.ലോകകപ്പ് പ്രദർശിപ്പിക്കുന്ന ടെലിവിഷൻ സ്ക്രീനിനു മുന്നിൽ ബിയർ കുപ്പി ചേർത്തുപിടിച്ചുള്ള ചിത്രമാണ് ഇത്തരത്തിൽ തെറ്റിദ്ധാരണയുണ്ടാക്കുന്ന തരത്തിൽ പ്രചരിപ്പിക്കുന്നത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FIrAwQZT29aGSsExw8Oea6 എന്ന ലിങ്കിൽ ജോയിൻ ചെയ്യുക