September 03, 2022
September 03, 2022
ദോഹ : ഫിഫ ലോകകപ്പ് 2022 വോളണ്ടിയർ ഓറിയന്റേഷൻ പരിപാടിക്ക് തുടക്കമായി. ലുസൈൻ സ്റ്റേഡിയത്തിൽ നടന്ന പ്രൗഢഗംഭീരമായ പരിപാടിയിൽ ഫുട്ബോൾ ഇതിഹാസങ്ങൾ അടക്കമുള്ള ഉന്നതർ പങ്കെടുത്തു.
180 രാജ്യങ്ങളിൽ നിന്നും ലഭിച്ച അഞ്ചു ലക്ഷം വോളണ്ടിയർ അപേക്ഷകളിൽ നിന്ന് 20,000 പ്രാദേശിക സന്നദ്ധ പ്രവർത്തകരെയും നാലായിരം വിദേശ വളണ്ടിയർമാരെയും തിരഞ്ഞെടുത്തത്. അപേക്ഷൾ പൂർണമായി പരിശോധിച്ച് അഭിമുഖത്തിലൂടെ വോളണ്ടിയർമാരെ തിരഞ്ഞെടുക്കാൻ ആറ് മാസം വേണ്ടി വന്നു.
ലോകകപ്പോടനുബന്ധിച്ച് വോളണ്ടിയർമാരുടെ സേവനം എല്ലായിടത്തും ലഭ്യമാക്കുമെന്ന് ഫിഫ വേൾഡ് കപ്പ് ഖത്തർ 2022 സിഇഒ നാസർ അൽ ഖാതർ പറഞ്ഞു. അതുകൊണ്ടു തന്നെ വോളണ്ടിയർമാർക്കുള്ള ഓറിയന്റേഷൻ ഇവന്റ് പ്രധാനമാണെന്ന് അദ്ദേഹം കൂട്ടിച്ചേർത്തു. വോളണ്ടിയർമാർക്ക് അവരുടെ റോളുകൾ, ഉത്തരവാദിത്തങ്ങൾ, ചുമതകൾ എന്നിവ മനസ്സിലാക്കാൻ ഇത് ഉപകരിക്കും.
കറുപ്പ്, വെളുപ്പ്, മിന്റ്, പർപ്പിൾ കളറുകളിൽ അഡിഡാസാണ് വളണ്ടിയർ യൂണിഫോം രൂപകൽപ്പന ചെയ്തിരിക്കുന്നത്. വളണ്ടിയർ സ്പിരിറ്റിനെ പ്രതിനിധീകരിക്കുന്ന ഹാർട്ട് ലോഗോയും യൂണിഫോമിൽ ഇടം പിടിച്ചിട്ടുണ്ട്.
ആതിഥേയരായ അബൂദ് ആഫോയും അൻഷോ ജെയിനും ചടങ്ങിന് നേതൃത്വം നൽകി. ഇംഗ്ലീഷ് ഫുട്ബോൾ താരം ഡേവിഡ് ബെക്കാം , ഓസ്ട്രേലിയയുടെ ലോകകപ്പ് സ്കോറർ കാഹിൽ എന്നിവരുടെ സന്ദേശങ്ങളും വീഡിയോയും നൃത്ത പ്രകടനങ്ങളും അടങ്ങുന്നതായിരുന്നു ചടങ്ങ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/DoTp5mITouhJcwHKcDKLsm എന്ന ലിങ്കിൽ ജോയിൻ ചെയ്യുക
