December 23, 2020
December 23, 2020
ദോഹ: ഖത്തരി എണ്ണ കമ്പനിയായ വൊക്വോദ് പുതിയ പെട്രോള് സ്റ്റേഷന് തുറന്നു. രാജ്യത്തെ എല്ലാ ഭാഗത്തും സേവനം നല്കാനുള്ള വിപുലീകരണ പദ്ധതിയുടെ ഭാഗമായാണ് പുതിയ സ്റ്റേഷന് തുറന്നത്.
പുതുതായി തുറന്ന അല് മെറാദ്-4 ലെ പെട്രോള് സ്റ്റേഷന് കൂടി എത്തിയതോടെ വൊക്വോദിന്റെ ഖത്തറിലെ പെട്രോള് സ്റ്റേഷനുകളുടെ ആകെ എണ്ണം 107 ആയി ഉയര്ന്നു. ബുധനാഴ്ച വൈകീട്ടാണ് പുതിയ പെട്രോള് സ്റ്റേഷന് പ്രവര്ത്തനം ആരംഭിച്ചത്.
ഇത് 24 മണിക്കൂര് നേരവും പ്രവര്ത്തിക്കും. പെട്രോള് സ്റ്റേഷനൊപ്പം സിദ്ര സ്റ്റോറും ഇവിടെ ഉണ്ട്. കൂടാതെ 'ഷഫാഫ്' എല്.പി.ജി സിലിണ്ടറുകളും ഇവിടെ ലഭ്യമാകും.
എട്ട് ചതുരശ്ര കിലോമീറ്റര് സ്ഥലത്തായി വ്യാപിച്ചു കിടക്കുന്ന സ്റ്റേഷനാണ് മെറാദ്-4 ല് ഇന്ന് തുറന്നത്. ചെറുവാഹനങ്ങള്ക്കായി നാല് ലൈനുകളും എട്ട് ഡിസ്പെന്സറുകളുമാണ് ഇവിടെ ഉള്ളത്.
അല് മെറാദ്-4 ലെ പെട്രോള് സ്റ്റേഷന് തുറക്കുന്നതില് തങ്ങള്ക്ക് വളരെ സന്തോഷമുണ്ടെന്ന് വൊക്വോദിന്റെ മാനേജിങ് ഡയറക്ടറും സി.ഇ.ഒയുമായ സാദ് റാഷിദ് അല് മുഹന്നാദി പറഞ്ഞു.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.