January 25, 2022
January 25, 2022
ദോഹ : രാജ്യത്ത് വനിതകൾക്കായി പുതിയ പോലീസ് ഇൻസ്റ്റിറ്റ്യൂട്ട് സ്ഥാപിക്കുമെന്ന് ആഭ്യന്തര മന്ത്രാലയം പ്രഖ്യാപിച്ചു. അടുത്ത അക്കാദമിക വർഷത്തിൽ അക്കാദമി ആക്കി മാറ്റുന്ന, നിലവിലെ പോലീസ് കോളേജാണ് ഇൻസ്റ്റിറ്റ്യൂട്ട് സ്ഥാപിക്കുക. പുതിയ അക്കാദമിക്ക് കീഴിലാവും ഇൻസ്റ്റിറ്റ്യൂട്ടിന്റെ പ്രവർത്തനം.
നിയമവുമായി ബന്ധപ്പെട്ട രണ്ട് വിഷയങ്ങളിൽ ബിരുദാന്തര ബിരുദം പഠിക്കാനുള്ള അവസരം പുതിയ ഇൻസ്റ്റിറ്റ്യൂട്ടിൽ ഒരുക്കുമെന്ന് പോലീസ് കോളേജിന്റെ അസിസ്റ്റന്റ് ഡയറക്ടർ ജാബിർ ഹമൗദ് അൽ നുഐമി അറിയിച്ചു. കോളേജിന് കീഴിൽ, ഉന്നതനിലവാരത്തിലുള്ള ഡിജിറ്റൽ ലൈബ്രറി അടങ്ങിയ പുതിയ കെട്ടിടം ആഗസ്റ്റ് മാസത്തോടെ പ്രവർത്തനം ആരംഭിക്കുമെന്നും ജാബിർ അറിയിച്ചു. പോലീസ് കോളേജിലെ വിദ്യാർത്ഥികൾക്കും, മന്ത്രാലയത്തിലെ ജീവനക്കാർക്കും ഈ ലൈബ്രറി ഉപയോഗിക്കാം.