January 15, 2022
January 15, 2022
ദോഹ : ഉഗാണ്ടയിലേക്ക് പോവുകയായിരുന്ന ഖത്തർ എയർവേയ്സ് വിമാനത്തിൽ യുവതിക്ക് സുഖപ്രസവം. സൗദിയിൽ നിന്നും സ്വന്തം നാട്ടിലേക്ക് യാത്ര ചെയ്യുകയായിരുന്ന ഉഗാണ്ടൻ യുവതിയാണ് വിമാനത്തിൽ പ്രസവിച്ചത്. ഡോക്ടർമാർ പ്രവചിച്ചതിലും മുൻപായി, 35 ആം ആഴ്ച്ചയിലാണ് പ്രസവിച്ചതെങ്കിലും, കുഞ്ഞും അമ്മയും ആരോഗ്യത്തോടെ ഇരിക്കുന്നതായി ഡോക്ടർ ഐഷ ഖാതിബ് സമൂഹമാധ്യമങ്ങൾ വഴി അറിയിച്ചു.
ടൊറന്റോ യൂണിവേഴ്സിറ്റിയിലെ പ്രൊഫസറായ ഐഷ ഖാതിബിന്റെ നേതൃത്വത്തിലാണ് വിമാനത്തിൽ ആവശ്യമായ സജ്ജീകരണങ്ങൾ ഒരുക്കിയത്. യാത്രക്കാരായ ഉണ്ടായിരുന്ന രണ്ട് വ്യക്തികളും ദൗത്യത്തിൽ ആയിഷയെ സഹായിച്ചു. സംഭവം നടന്നത് ഡിസംബർ അഞ്ചിനായിരുന്നെങ്കിലും, തന്റെ തിരക്കുകൾ കാരണം ഡോക്ടർ ആയിഷ ചിത്രങ്ങൾ പങ്കുവെയ്ക്കാൻ വൈകിയതിനാൽ ഈ വാർത്ത പുറംലോകം അറിഞ്ഞിരുന്നില്ല. തന്നെയും കുഞ്ഞിനേയും രക്ഷിച്ച ഡോക്ടറോടുള്ള ആദരസൂചകമായി 'മിറാക്കിൾ ആയിഷ' എന്നാണ് കുഞ്ഞിന് ഉഗാണ്ടൻ യുവതി പേര് നൽകിയതെന്ന് ബിബിസി റിപ്പോർട്ട് ചെയ്യുന്നു.