April 03, 2022
April 03, 2022
ദോഹ : ലോകാരോഗ്യ സംഘടനയുടെ ഡയറക്ടർ ജനറൽ ടെഡ്റോസ് അഥനോം ഹമദ് മെഡിക്കൽ കോർപറേഷന് കീഴിലെ വിവിധ ആശുപത്രികളിൽ സന്ദർശനം നടത്തി. ഖത്തർ പൊതുജനാരോഗ്യ മന്ത്രി ഡോക്ടർ ഹനാൻ മുഹമ്മദ് അൽ കുവാരിയും, മന്ത്രാലയത്തിലെ ഉന്നത ഉദ്യോഗസ്ഥരും ടെഡ്റോസിനെ അനുഗമിച്ചു.
ഹമദിന് കീഴിലെ പുകവലിക്കെതിരായ കേന്ദ്രം, ലോകാരോഗ്യസംഘടനയുമായി സഹകരിച്ച് പ്രവർത്തിക്കുന്ന മറ്റൊരു കേന്ദ്രം, അപകടങ്ങളെ തുടർന്നുണ്ടാവുന്ന പരിക്കുകൾ ചികിൽസിക്കുന്ന പ്രത്യേകകേന്ദ്രം എന്നിവിടങ്ങളിലാണ് സംഘം സന്ദർശനം നടത്തിയത്. ആരോഗ്യരംഗത്ത് ഖത്തർ കൈവരിച്ച നേട്ടങ്ങളിൽ ഏറെ സന്തോഷം പ്രകടിപ്പിച്ച ടെഡ്റോസ്, കേന്ദ്രങ്ങളിലെ പ്രവർത്തനങ്ങൾ സൂക്ഷ്മമായി വിലയിരുത്തി.