July 07, 2022
July 07, 2022
ദോഹ : ഇന്നു മുതൽ രാജ്യത്തെ മസ്ജിദുകളിൽ പ്രവേശിക്കുന്നവർ നിർബന്ധമായും മാസ്ക് ധരിച്ചിരിക്കണമെന്ന് ഖത്തർ മതകാര്യ മന്ത്രാലയം.അടച്ച പൊതുസ്ഥലങ്ങളിൽ മാസ്ക് ധരിക്കുന്നത് നിർബന്ധമാക്കികൊണ്ടുള്ള ബുധനാഴ്ചത്തെ മന്ത്രിസഭാ യോഗ തീരുമാനത്തിന്റെ അടിസ്ഥാനത്തിൽ കോവിഡ് വ്യാപനം നിയന്ത്രിക്കുന്നതത്തിനുള്ള നടപടികളുടെ ഭാഗമായാണ് ഇതെന്ന് മന്ത്രാലയം സോഷ്യൽ മീഡിയ വഴി നൽകിയ അറിയിപ്പിൽ വ്യക്തമാക്കി.
ഖത്തറിൽ ശരാശരി പ്രതിവാര കോവിഡ് വ്യാപനം വീണ്ടും ഉയർന്നതായി പൊതുജനാരോഗ്യമന്ത്രാലയം കഴിഞ്ഞ ദിവസം അറിയിച്ചിരുന്നു.
ഇതിനിടെ, ഖത്തറിൽ കോവിഡ് കേസുകളുടെ എണ്ണത്തിലും ആശുപത്രിയിൽ പ്രവേശിപ്പിക്കുന്ന രോഗികളുടെ എണ്ണത്തിലും അടുത്തിടെ വര്ധനവുണ്ടായതായി പൊതുജനാരോഗ്യ മന്ത്രാലയത്തിലെ (എംഒപിഎച്ച്) വാക്സിനേഷൻ മേധാവി ഡോ. സോഹ അൽ ബയാത്ത് പറഞ്ഞു.മറ്റു രാജ്യങ്ങളിലെല്ലാം കണ്ടുവരുന്ന സമാന സാഹചര്യമാണ് നിലവിൽ ഖത്തറിൽ ഉള്ളതെന്നും അവർ കൂട്ടിച്ചേർത്തു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക