February 27, 2022
February 27, 2022
ദോഹ : കോവിഡ് പ്രതിരോധ വാക്സിനേഷന് കാലാവധി നിശ്ചയിച്ചതായി ഖത്തർ ആരോഗ്യ മന്ത്രാലയം അറിയിച്ചു. അന്താരാഷ്ട്ര യാത്രികർക്ക് ദോഹയിലെത്താൻ വാക്സിനേഷൻ സർട്ടിഫിക്കറ്റ് നിർബന്ധമായതിനാൽ ഈ അറിയിപ്പിന് വലിയ പ്രാധാന്യമുണ്ട്. കോവിഷീൽഡ്‌ വാക്സിൻ ഡോസിന് ഒൻപത് മാസവും, കോവാക്സിന് ആറുമാസവുമാണ് കാലാവധി തീരുമാനിച്ചിരിക്കുന്നത്. ഫൈസർ, മോഡർണ, ആസ്ട്ര സിനിക്ക തുടങ്ങിയ കമ്പനികളുടെ വാക്സിനുകൾക്കും ഒൻപത് മാസമാണ് കാലാവധി.
നിലവിൽ, പ്രായമടക്കമുള്ള വസ്തുതകൾ കണക്കിലെടുത്ത്, മുൻഗണനാ ക്രമത്തിൽ മാത്രമാണ് ഇന്ത്യയിൽ ബൂസ്റ്റർ ഡോസ് നൽകുന്നത്. ഈ പട്ടികയിലേക്ക് പ്രവാസികളെയും ഉൾപെടുത്തിയില്ലെങ്കിൽ വാക്സിൻ കാലാവധി കഴിഞ്ഞെന്ന കാരണത്താൽ യാത്ര മുടങ്ങിയേക്കും. 'റെഡ് ഹെൽത്ത്' ക്യാറ്റഗറിയിലാണ് ഇന്ത്യയെ ഖത്തർ ഉൾപ്പെടുത്തിയിരിക്കുന്നത്. സന്ദർശകവിസയിൽ ഖത്തറിൽ എത്തുന്ന ഇന്ത്യക്കാർ (വാക്സിനേഷൻ പൂർത്തിയാക്കിയവർ) ഒരു ദിവസം ഹോട്ടൽ കൊറന്റൈനിൽ കഴിയണം.
