May 11, 2022
May 11, 2022
ദോഹ : ഫെഡറേഷന് ഓഫ് ഇന്ത്യന് നഴ്സസ് ഇന് ഖത്തര് (ഫിന്ഖ്യു) ഭാരവാഹികള് കേന്ദ്ര വിദേശകാര്യ സഹമന്ത്രി വി.മുരളീധരനുമായി ദോഹയിൽ കൂടിക്കാഴ്ച നടത്തി.ഇന്ത്യന് നഴ്സുമാര് നേരിടുന്ന പ്രശ്നങ്ങളാണു കൂടിക്കാഴ്ചയില് മന്ത്രിക്കു മുന്നിൽ അവതരിപ്പിച്ചത്.
ഡിപ്ലോമയും ബാച്ചിലേഴ്സ് നഴ്സിങ്ങും തമ്മിലുള്ള അന്തരം നികത്താന് ഖത്തറില് തത്തുല്യമായ പ്രോഗ്രാം നടത്തുക, നഴ്സുമാര്ക്ക് അവരുടെ പ്രഫഷണല് പുരോഗതിക്കായും, കൂടുതല് തൊഴില് സാധ്യതകള്ക്കുമായി ഖത്തറില് കാംപസ് തുറക്കാന് ഇന്ത്യന് നഴ്സിങ് ഇന്സ്റ്റിറ്റ്യൂട്ടിനെ അനുവദിക്കുക, സ്വകാര്യ, വ്യാവസായിക മേഖലയിലെ നഴ്സുമാര് നേരിടുന്ന ഇന്ത്യയില് നിന്നുള്ള ഇമിഗ്രേഷന് ക്ലിയറന്സുമായി ബന്ധപ്പെട്ട പ്രശ്നങ്ങള് പരിഹരിക്കുക,നിലവിലെ തൊഴിലുടമയില് നിന്ന് എന്ഒസി നേടുന്നതില് സ്വകാര്യ, വ്യവസായ മേഖലയിലെ നഴ്സുമാര് നേരിടുന്ന പ്രശ്നങ്ങള്ക്കു ശാശ്വതപരിഹാരം കാണുക, വിദേശത്ത് ജോലി ചെയ്യുന്ന ഇന്ത്യക്കാര്ക്കുള്ള പെന്ഷന് പദ്ധതി നടപ്പാക്കുക തുടങ്ങിയ വിഷയങ്ങളാണ് മന്ത്രിയുടെ ശ്രദ്ധയില്പ്പെടുത്തിയത്. നഴ്സുമാര് നേരിടുന്ന പ്രശ്നങ്ങളില് പ്രത്യേക ശ്രദ്ധ ചെലുത്തുകയും ആവശ്യമായ നടപടികള് സ്വീകരിക്കുകയും ചെയ്യുമെന്നും മന്ത്രി ഉറപ്പു നല്കിയതായി ഫിന്ഖ്യൂ ഭാരവാഹികള് അറിയിച്ചു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക