May 13, 2020
May 13, 2020
ദോഹ : ഖത്തറിൽ നിന്നും നാട്ടിലേക്ക് മടങ്ങാൻ രജിസ്റ്റർ ചെയ്ത ഇന്ത്യക്കാരിൽ മൂന്നിൽ രണ്ടിലധികം പേരും മലയാളികളാണെന്ന് ഇന്ത്യൻ എംബസി അറിയിച്ചു. അതുകൊണ്ടു തന്നെ സ്വാഭാവികമായും ഇന്ത്യയിലെ മറ്റു സംസ്ഥാനങ്ങളെ അപേക്ഷിച്ച് കേരളത്തിലേക്ക് കൂടുതൽ വിമാനങ്ങൾ ഏർപ്പെടുത്താൻ സമ്മർദം ചെലുത്തിവരികയാണെന്നും എംബസി ട്വീറ്റ് ചെയ്തു. കഴിഞ്ഞ ശനിയാഴ്ചയും ചൊവ്വാഴ്ചയുമായി രണ്ടു വിമാനങ്ങളാണ് ദോഹയിൽ നിന്നും കേരളത്തിലേക്ക് സർവീസ് നടത്തിയത്.
അതേസമയം, വിദേശത്തുള്ള പ്രവാസി ഇന്ത്യക്കാരെ തിരിച്ചെത്തിക്കുന്നതിനുള്ള രണ്ടാം ഘട്ടത്തിലും ദോഹയിൽ നിന്നും രണ്ടു വിമാനങ്ങളാണ് കേരളത്തിലേക്ക് സർവീസ് നടത്തുകയെന്നാണ് ഡൽഹിയിൽ നിന്ന് ലഭിക്കുന്ന വിവരം.മെയ് 20 ന് കണ്ണൂരിലേക്കും 21 കൊച്ചിയിലേക്കുമാണ് സർവീസുകൾ ഉണ്ടാവുകയെന്ന് ഇന്ത്യൻ എംബസിയും സ്ഥിരീകരിച്ചിട്ടുണ്ട്.എന്നാൽ കണ്ണൂരിലേക്കുള്ള സർവീസുമായി ബന്ധപ്പെട്ട് ഇനിയും വ്യക്തത ലഭിക്കേണ്ടതുണ്ട്.മെയ് 20 ന് ഹൈദരാബാദ്,വിശാഖപട്ടണം,എന്നീ നഗരങ്ങളിലേക്കും 22 ന് ബംഗളുരുവിലേക്കും 24 ന് ഗയയിലേക്കും സർവീസുകൾ ഉണ്ടാവും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
