March 28, 2023
March 28, 2023
ന്യൂസ്‌റൂം ബ്യൂറോ
ദോഹ: ദോഹയിലെ മന്‍സൂറയില്‍ ബഹുനില കെട്ടിടം തകര്‍ന്നുണ്ടായ അപകടത്തില്‍ രണ്ട് പാകിസ്ഥാന്‍ യുവാക്കളുടെ മൃതദേഹം കൂടി കണ്ടെടുത്തതായി പാകിസ്ഥാന്‍ ടുഡേ റിപ്പോര്‍ട്ട് ചെയ്തു. തനീന്‍ ചക്വാളില്‍ നിന്നുള്ള അഹ്‌സന്‍ റിയാസ്, അത്വാള്‍ സ്വദേശിയുമാണ് മരിച്ചത്. ഇതോടെ കെട്ടിടം തകര്‍ന്നുണ്ടായ അപകടത്തില്‍ മരിച്ച പാകിസ്ഥാനികളുടെ എണ്ണം അഞ്ചായി. ജമാല്‍ മസ്ഹര്‍, മുഹമ്മദ് അസീം, സീഷാന്‍ ഹഫീസ് എന്നീ പാകിസ്ഥാനി യുവാക്കളുടെ മരണം നേരത്തെ സ്ഥിരീകരിച്ചിരുന്നു.
ബഹുനില കെട്ടിടം തകര്‍ന്നുണ്ടായ അപകടത്തില്‍ നാല് മലയാളികളടക്കം ആറ് ഇന്ത്യക്കാരാണ് മരിച്ചത്. മലപ്പുറം പൊന്നാനി സ്വദേശി അബു ടി മമ്മദുട്ടി(45), മലപ്പുറം മാറഞ്ചേരി സ്വദേശി നൗഷാദ് മണ്ണറയില്‍(44), കാസര്‍കോട് പുളിക്കൂര്‍ സ്വദേശി മുഹമ്മദ് അഷറഫ്(38), നിലമ്പൂര്‍ സ്വദേശി മുഹമ്മദ് ഫൈസല്‍, ജാര്‍ഖണ്ഡില്‍ നിന്നുള്ള ആരിഫ് അസീസ് മുഹമ്മദ് ഹസ്സന്‍(26), ആന്ധ്രാപ്രദേശിലെ ചിരാന്‍പള്ളി സ്വദേശി ശൈഖ് അബ്ദുല്‍നബി ശൈഖ് ഹുസൈന്‍(61) എന്നിവരുടെ മരണമാണ് റിപ്പോര്‍ട്ട് ചെയ്തത്.
കഴിഞ്ഞ ബുധനാഴ്ച രാവിലെ തകര്‍ന്ന കെട്ടിടത്തില്‍ നിന്ന് ഏഴുപേരെ സുരക്ഷാസംഘം ഉടനടി രക്ഷിച്ചിരുന്നു. വ്യാഴാഴ്ച രണ്ടു സ്ത്രീകളെയും രക്ഷിച്ചു. 12 കുടുംബങ്ങളെ അധികൃതര്‍ സുരക്ഷിതമായി മാറ്റിയിരുന്നു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക
https://chat.whatsapp.com/KIGk615xlF1ILlMGxpUXqI
