January 02, 2022
January 02, 2022
ദോഹ : കാർബൺ രഹിത, ഡ്രൈവറില്ലാ ബസ്സിന്റെ പരീക്ഷ ഓട്ടം ഖത്തർ ഫൗണ്ടേഷൻ ക്യാമ്പസിൽ നടത്തുമെന്ന് ഖത്തർ ഗതാഗത മന്ത്രാലയം അറിയിച്ചു. മുവസലാത്തുമായി സഹകരിച്ചാണ് പദ്ധതി നടത്തുന്നത്. അടുത്ത പത്ത് ദിവസമായാണ് ട്രയൽ റൺ സംഘടിപ്പിക്കുന്നത്.
3.2 കിലോമീറ്റർ നീളമുള്ള പ്രത്യേക റോഡാണ് ഇതിനായി സജ്ജമാക്കിയിട്ടുള്ളത്. പരമാവധി 25 കിലോമീറ്റർ വേഗതയിലാവും ഈ ബസ് ഓടുക. ഖത്തർ നാഷണൽ ലൈബ്രറി മെട്രോ സ്റ്റേഷൻ, കാർനെഗി മെല്ലൺ യൂണിവേഴ്സിറ്റി, നോർത്തേൺ യൂണിവേഴ്സിറ്റി തുടങ്ങിയിയ ഇങ്ങളിലൂടെയാണ് ഈ ട്രാക്ക് കടന്നുപോവുന്നത്. റഡാറും കാമറയുമടക്കമുള്ള അത്യാധുനിക സംവിധാനങ്ങളും ബസ്സിൽ സജ്ജീകരിച്ചിട്ടുണ്ട്. ട്രയൽ റണ്ണിനിടെ വാഹനത്തിൽ യാത്രക്കാരെ കയറ്റില്ലെന്നും, ഒരു സുരക്ഷാ ഉദ്യോഗസ്ഥൻ വാഹനം ഉണ്ടാവുമെന്നും അധികൃതർ അറിയിച്ചു.