April 23, 2022
April 23, 2022
ദോഹ : വേനലവധി തുടങ്ങാനിരിക്കെ,,പ്രതിരോധ കുത്തിവയ്പ്പുകളും മറ്റ് പ്രതിരോധ നടപടികളും ആവശ്യമുള്ള രാജ്യങ്ങളിലേക്ക് യാത്ര ചെയ്യുന്നവർ ഹമദ് മെഡിക്കൽ കോർപ്പറേഷന് കീഴിലെ കമ്മ്യൂണിക്കബിൾ ഡിസീസ് സെന്ററിൽ പ്രവർത്തിക്കുന്ന ട്രാവൽ ക്ലിനിക്ക് സന്ദർശിക്കണമെന്ന് അധികൃതർ ആവശ്യപ്പെട്ടു. ‘വൺ സ്റ്റോപ്പ് ഷോപ്പ്’ എന്ന നിലയിൽ പ്രവർത്തിക്കുന്ന ക്ലിനിക്കിൽ വിദേശ യാത്ര കഴിഞ്ഞു തിരിച്ചെത്തുന്നവർക്ക് ആവശ്യമായ നിർദേശങ്ങളും ചികിൽസയും നൽകിവരുന്നുണ്ട്.ശരീരത്തിൻറെ പ്രതിരോധശേഷിവർധിപ്പിക്കുന്നതിനുള്ള പ്രതിരോധ കുത്തിവയ്പ്പുകൾക്ക് 10 മുതൽ 14 ദിവസത്തെ സമയം ആവശ്യമായതിനാൽ യാത്രാ തീയതിക്ക് നാലോ ആറോ ആഴ്ച മുമ്പ് കുത്തിവെപ്പെടുക്കണമെന്ന് സാംക്രമിക രോഗ,ട്രാവൽ മെഡിസിൻ സീനിയർ കൺസൾട്ടന്റ ഡോ. മുഹമ്മദ് ഖത്താബ് പറഞ്ഞു.ചില വാക്സിനുകൾക്ക് ഒന്നിലധികം ഡോസുകൾ ആവശ്യമാണെന്നും അദ്ദേഹം കൂട്ടിച്ചേർത്തു.
വിദേശ യാത്രക്കൊരുങ്ങുന്നവർ യാത്രാ തീയതിക്ക് നാലോ ആറോ ആഴ്ച മുമ്പ് ആവശ്യമായ മാർഗനിർദേശങ്ങളും വാക്‌സിനേഷനും സ്വീകരിക്കണമെന്ന് ലോകാരോഗ്യ സംഘടന ശുപാർശ ചെയ്യുന്നുണ്ട്.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
