September 09, 2021
September 09, 2021
ദോഹ: നിരോധിക്കപ്പെട്ട മയക്കുമരുന്നുകൾ അടങ്ങിയ ഗുളികകളും മറ്റും യാത്രാസമയത്ത് കൈവശം വെക്കരുതെന്ന് അധികൃതർ മുന്നറിയിപ്പ് നൽകി. ഏതെങ്കിലും തരത്തിലുള്ള രോഗങ്ങൾക്ക് സ്ഥിരമായി മരുന്ന് കഴിക്കുന്നവർ കഴിഞ്ഞ ആറ് മാസത്തെ ചികിത്സാവിവരങ്ങൾ കയ്യിൽ സൂക്ഷിക്കണം എന്നും ബന്ധപ്പെട്ട അധികൃതർ വ്യക്തമാക്കി. മയക്കുമരുന്നുകളെ പറ്റി ബോധവൽക്കരിക്കാൻ നടത്തിയ സെമിനാറിൽ ആയിരുന്നു ഈ പരാമർശങ്ങൾ.
പൊതു-സ്വകാര്യ കമ്പനികളിലെ ജീവനക്കാർ, സ്കൂൾ അധികൃതർ, സുരക്ഷാ ഉദ്യോഗസ്ഥർ തുടങ്ങി വിവിധ സമൂഹത്തിന്റെ പല കോണിൽ നിന്നുള്ള ആളുകളും സെമിനാറിൽ പങ്കെടുത്തു. മറ്റുള്ള യാത്രക്കാർ നമ്മുടെ കയ്യിൽ ഏല്പിക്കുന്ന ലഗേജുകൾ അപകടത്തിൽ കൊണ്ടെത്തിച്ചേക്കാം എന്നും വെബിനാറിൽ അധികൃതർ അഭിപ്രായപ്പെട്ടു. ചില രാജ്യത്ത് നിയമവിധേയം ആയ മരുന്നുകൾക്ക് ഖത്തറിൽ നിരോധനം ഉണ്ടായേക്കാമെന്നും, അതിനാൽ മരുന്നുകളും മറ്റും കൊണ്ടുവരും മുൻപ് വിശദമായി അതേപ്പറ്റി അന്വേഷിക്കണംമെന്നും അധികൃതർ അറിയിച്ചു. കുടുംബത്തിൽ നിന്നും വിട്ടുനിൽക്കുന്ന ആളുകളും, ചീത്തകൂട്ടുകെട്ടിൽ പെട്ടവരും, അച്ചടക്കമില്ലാത്ത സ്വഭാവമുള്ളവരും ലഹരിക്കടിപ്പെടാൻ സാധ്യത കൂടുതൽ ആണെന്നും വെബിനാർ വിലയിരുത്തി.