July 26, 2021
July 26, 2021
ദോഹ : ഖത്തറിേലക്ക് പുറപ്പെടാനിരിക്കുന്നവർ യാത്രാമാനദണ്ഡങ്ങള്‍ കൃത്യമായി മനസിലാക്കാത്ത കാരണം നിരവധി ആശയക്കുഴപ്പങ്ങൾ ഉണ്ടാകുന്നുണ്ട്. കോവിഡ് നിയന്ത്രണങ്ങളില്‍ ഇളവു പ്രഖ്യാപിക്കുകയും പുതിയ യാത്രാനയം പ്രാബല്യത്തില്‍ വരുകയും ചെയ്തതോടെ ഖത്തറിലേക്ക് പുറപ്പെടും മുമ്പ്[ സംശയത്തിലാവുന്ന യാത്രക്കാര്‍ക്ക് കാര്യങ്ങളെല്ലാം എളുപ്പം മനസ്സിലാക്കാന്‍ പുതിയ സംവിധാനമൊരുക്കിയിരിക്കുകയാണ് ഗവ. കമ്യൂണിക്കേഷന്‍ ഓഫീസ്.
ഇന്‍ററാക്ടിവ് ഗൈഡ്ലൈന്‍സ് എന്ന് പേരിട്ട ലിങ്കില്‍ പ്രവേശിച്ച്‌ ലളിതമായ ആറ് ചോദ്യങ്ങള്‍ക്ക് ഉത്തരം നല്‍കിയാല്‍ നിങ്ങളെ ബാധിക്കുന്ന യാത്രാ മാനദണ്ഡങ്ങള്‍ അടുത്ത ക്ലിക്കില്‍ തന്നെ അറിയാൻ കഴിയും.
https://www.gco.gov.qa/en/travel/ എന്ന ലിങ്ക് വഴിയാണ് ഇന്‍ററാക്ടിവ് ഗൈഡ് പ്രവര്‍ത്തിക്കുന്നത്. ട്വിറ്ററിലൂടെയാണ് ജി.സി.ഒ ലോകമെങ്ങുമുള്ള യാത്രക്കാര്‍ക്ക് ഏറെ ഉപകാരപ്പെടുന്ന സംവിധാനം പരിചയപ്പെടുത്തിയത്.
നിങ്ങള്‍ ഖത്തര്‍ പൗരനോ ഖത്തര്‍ റെസിഡേന്‍റാ, ജി.സി.സി പൗരനോ എന്നാണ് ആദ്യ ചോദ്യം. വാക്സിനേറ്റഡ് ആണോ, ഖത്തറില്‍നിന്ന് കോവിഡ് വന്ന് മാറിയ ആളാണോ, യാത്രയില്‍ 11 വയസ്സിന് താഴെയുള്ള കുട്ടികള്‍ ഉണ്ടോ, 12നും 17നുമിടയില്‍ പ്രായമുള്ള കുട്ടികള്‍ ഉണ്ടോ, നിങ്ങള്‍ പുറപ്പെടുന്ന രാജ്യം ഏത്, കഴിഞ്ഞ 10 ദിവസത്തിനിടെ നിങ്ങള്‍ സന്ദര്‍ശിച്ച രാജ്യങ്ങള്‍ ഏതെല്ലാം എന്നിവയാണ് ചോദ്യങ്ങള്‍.
ഉത്തരം നല്‍കി, സബ്മിറ്റ് ചെയ്തല്‍ ഉടനടി നിങ്ങള്‍ക്ക് ബാധകമായ യാത്രാ മാനദണ്ഡങ്ങള്‍ പ്രത്യക്ഷപ്പെടും.പുതിയ യാത്രാനയം സംബന്ധിച്ച്‌ നിരവധി സംശയം ഉയര്‍ത്തുന്നവര്‍ക്ക് ഏറെ ആശ്വാസമാണ് ജി.സി.ഒയുടെ പുതിയ പദ്ധതി.
