August 22, 2019
August 22, 2019
ദോഹ: ദോഹയിലെ ടില്റ്റ്ഡ് ഇന്റര്ചേഞ്ചില് നാളെ(വെള്ളി) 28 മണിക്കൂര് നേരത്തേക്ക് ഗതാഗത നിയന്ത്രണം ഏര്പ്പെടുത്തും. അല്ഗറാഫ സ്ട്രീറ്റ്, അല്ലുഖ്ത സ്ട്രീറ്റ് എന്നിവിടങ്ങളില് നിന്ന് ഇന്റര്ചേഞ്ച് വഴി ഹുവാര് സ്ട്രീറ്റിലേക്കുള്ള പാതയിലാണ് നിയന്ത്രണം ഏര്പ്പെടുത്തുന്നത്.വെള്ളിയാഴ്ച പുലര്ച്ചെ ഒന്നു മുതല് വൈകിട്ട് നാലുവരെ താല്ക്കാലികമായി അടച്ചിടും. പൊതുമരാമത്ത് അതോറിറ്റി(അശ്ഗാല്) ആണ് ഇക്കാര്യം അറിയിച്ചിരിക്കുന്നത്.ഖലീഫ അവന്യൂ പ്രോജക്ടിന്റെ ഭാഗമായുള്ള ടാറിങ് പ്രവൃത്തികള് പൂര്ത്തീകരിക്കാനായാണ് നിയന്ത്രണം.
ഹുവാറിലേക്കു പോകേണ്ടവര് അല്റയ്യാന് റോഡ് ഭാഗത്തേക്കുള്ള ബനിഹജര് ഇന്റര്ചേഞ്ച് വഴി തങ്ങളുടെ ലക്ഷ്യസ്ഥാനങ്ങളിലേക്കു പോകണമെന്ന് അധികൃതര് നിർദേശിച്ചു.. ഗതാഗത മാറ്റം അറിയിച്ചുകൊണ്ടുള്ള അടയാളങ്ങള് ഈ പാതകളില് സ്ഥാപിക്കും.