June 30, 2021
June 30, 2021
ദോഹ: ഈ ബലിപെരുന്നാളിനും ഖത്തര്‍ ചാരിറ്റിയുടെ കാരുണ്യം ലോകം പരക്കും. 33 രാജ്യങ്ങളിലായി 1.2 ദശലക്ഷം പേര്‍ക്ക് ബലി പെരുന്നാള്‍ സഹായമെത്തിക്കുന്നതിനുള്ള തീരുമാനത്തിലാണ് സംഘടന. ഇതിന്റെ കാംപയിന്‍ ആരംഭിച്ചു കഴിഞ്ഞു. രാജ്യത്തിന് പുറമേ, ഏഷ്യ, ആഫ്രിക്ക, യൂറോപ്പ് ഭൂഖണ്ഡങ്ങളില്‍നിന്നുള്ളവര്‍ ഖത്തര്‍ ചാരിറ്റിയുടെ ഗുണഭോക്താക്കളാവും. 63,000 ത്തോളം ബലി മൃഗങ്ങളാണ് ഇത്തവണ ചാരിറ്റി ഉപയോഗപ്പെടുത്തുന്നത്. കാംപയിന്റെ ഭാഗമായി ഖത്തറില്‍ 38 ലക്ഷം റിയാല്‍ ചെലവില്‍ 5,000 ഉരുക്കളെ ബലി നല്‍കും.ഫലസ്തീന്‍, സൊമാലിയ, തുനീഷ്യ, ലബനാന്‍, സുഡാന്‍, കെനിയ, മാലി, ടോംഗോ, ഇന്ത്യ, നേപ്പാള്‍, ബംഗ്ലാദേശ്, നൈജീരിയ, ബുര്‍കിനാഫാസോ, പാകിസ്താന്‍, കിര്‍ഗിസ്താന്‍, കൊസോവോ, ഫിലിപ്പീന്‍സ്, അല്‍ബേനിയ, ബോസ്‌നിയ ഹെര്‍സഗോവിന, ഘാന, തുര്‍ക്കി, ജോര്‍ദാന്‍, എത്യോപ്യ, സെനഗല്‍, ഗാംബിയ, ഛാഡ്, യമന്‍, മോണ്ടിേെനഗ്രാ, ഐവറി കോസറ്റ്, സൗത്ത് ആഫ്രിക്ക തുടങ്ങിയ രാജ്യങ്ങളിലെ പാവങ്ങള്‍ക്കും അഭയാര്‍ഥികള്‍ക്കും ഖത്തര്‍ ചാരിറ്റിയുടെ സഹായം ഈബലിപെരുന്നാളില്‍ എത്തും. ttps://www.qcharity.org/en/qa/adh-a ഈ ലിങ്ക് വഴി നിങ്ങള്‍ക്കും സംരംഭത്തില്‍ പങ്കാളികളാവാം.
