May 25, 2020
May 25, 2020
ദോഹ : തൃശൂർ ഏനാമാവ്-കെട്ടുങ്ങൽ സ്വദേശി പണിക്കവീട്ടിൽ മാമുവിൻറെ മകൻ പിഎം മൊയ്തീൻ (65) ദോഹയിൽ നിര്യാതനായി. തിങ്കളാഴ്ച ഉച്ചയോടെ ദോഹ ഹമദ് ആശുപത്രിയിലായിരുന്നു അന്ത്യം.ദോഹയിലെ അൽ സദിൽ സ്വന്തമായി ടൈലറിംഗ് സ്ഥാപനം നടത്തിവരികയായിരുന്നു.
ജീവകാരുണ്യ പ്രവർത്തനങ്ങളിൽ സജീവമായി ഇടപെട്ടിരുന്ന അദ്ദേഹം നിർധനരായവർക്ക് സഹായങ്ങൾ എത്തിക്കുന്നതിൽ എന്നും മുൻപന്തിയിലുണ്ടായിരുന്നു.സുന്നി പ്രസ്ഥാനത്തിന്റെ സജീവ പ്രവർത്തകനായിരുന്നു.മക്കളുടെ വിവാഹത്തോടനുബന്ധിച്ച് വയനാട്ടിലെ നിർധനരായ നിരവധി പെൺകുട്ടികളുടെ വിവാഹം സ്വന്തം ചെലവിൽ ഏറ്റെടുത്ത് നടത്തിക്കൊടുത്തിരുന്നു.
നസീറയാണ് ഭാര്യ. മക്കൾ: നിസാം(അൽ ജസീറ ടെലിവിഷൻ,ഖത്തർ), ഡോ.നസീം(ആസ്റ്റർ ഹോസ്പിറ്റൽ,ബാംഗ്ലൂർ),നാജിയ(ഖത്തർ). ഭാര്യയും രണ്ടു മക്കളും ദോഹയിലുണ്ട്.
സഹോദരങ്ങൾ :ലത്തീഫ്, സലാം.ഹമദ് ആശുപത്രിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾ പൂർത്തിയാക്കി നാട്ടിലേക്ക് കൊണ്ടുപോകും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
