June 17, 2023
June 17, 2023
ന്യൂസ്റൂം ബ്യുറോ
ദോഹ : ഇന്ത്യ ഇന്ന് നേരിടുന്ന ഏറ്റവും വലിയ വിപത്തായ വർഗീയതയെ ചെറുത്തു തോൽപ്പിക്കാൻ പ്രവാസി സമൂഹം ഒറ്റക്കെട്ടായി മുന്നിട്ടിറങ്ങണമെന്ന് മുതിർന്ന കോൺഗ്രസ്സ് നേതാവ് തിരുവഞ്ചൂർ രാധാകൃഷ്ണൻ എം.എൽ.എ. ഇന്ത്യൻ നാഷണൽ കോൺഗ്രസിൻറെ പോഷക സംഘടനയായ ഖത്തർ ഒ.ഐ.സി.സി ഇൻകാസ് കോട്ടയം ജില്ലാ കമ്മിറ്റിയുടെ നേതൃത്വത്തിൽ സംഘടിപ്പിച്ച കുടുംബ സംഗമവും കലാ-സംസ്കാരിക സമ്മേളനവും ഉദ്ഘാടനം ചെയ്ത് മുഖ്യപ്രഭാഷണം നടത്തുകയായിരുന്നു അദ്ദേഹം.
കോട്ടയം ജില്ല പ്രസിഡന്റ് അജത്ത് അബ്രഹാം അദ്ധ്യക്ഷത വഹിച്ച ചടങ്ങിൽ ലിയോ തോമസ് സ്വാഗത പ്രസംഗം നടത്തി. ആനുകാലിക രാഷ്ട്രീയം നേരിടുന്ന വെല്ലുവിളികളെ കുറിച്ച് കോട്ടയം ജില്ലാ പഞ്ചായത്ത് അംഗം പി കെ വൈശാഖ് പ്രഭാഷണം നടത്തി. ഒഐസിസി ഇൻകാസ് ആക്റ്റിംഗ് പ്രസിഡന്റ് നിയാസ് ചെരിപ്പത്ത്, ജനറൽ സെക്രട്ടറി ശ്രീജിത്ത് എസ് നായർ, ട്രഷറർ ജോർജ്ജ് അഗസ്റ്റിൻ, യൂത്ത് വിംഗ് ആക്ടിംഗ് പ്രസിഡൻറ് ഷാഹിദ് ജന: സെക്രട്ടറി നവിൻ പള്ളം കെബിഎഫ് പ്രസിഡന്റ് അജി കുര്യാക്കോസ് തുടങ്ങിയവർ സംസാരിച്ചു.സോണി സെബാസ്റ്റ്യൻ പരിപാടി നിയന്ത്രിച്ചു. കോട്ടയം ജില്ല ട്രഷറർ ജോബി നന്ദി പ്രകാശിപ്പിച്ചു.
വിവിധ മേഖലകളിൽ പ്രവർത്തന മികവ് തെളിയിക്കുകയും അംഗീകാരങ്ങൾ നേടുകയും ചെയ്ത ജീസ് ജോസഫ്, ഫ്രെഡി ജോർജ്ജ്, ഹരികുമാർ, അഷ്രഫ് പി നാസർ, ആയിഷ ഹന തുടങ്ങിയ ഇൻകാസ് കുടുംബാംഗങ്ങളെയും ഡോ. ഫുആദ് ഉസ്മാനെയും ചടങ്ങിൽ ആദരിച്ചു.
സംഗീത-നൃത്തപരിപാടികളും കനൽ ഖത്തറിന്റെ നേതൃത്വത്തിൽ പഞ്ചാരിമേളവും അരങ്ങേറി.
ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/HHOGGyLPTMH45QRaxZQRyz