January 29, 2022
January 29, 2022
ദോഹ : രാജ്യത്തെ പ്രതിദിന കോവിഡ് കേസുകൾ കുറഞ്ഞു തുടങ്ങിയത് ശുഭലക്ഷണമാണെന്നും, മൂന്നാം തരംഗം അതിന്റെ പരമാവധി ശേഷി പിന്നിട്ടുകഴിഞ്ഞെന്നും ആരോഗ്യമന്ത്രാലയം അഭിപ്രായപ്പെട്ടു. അധികൃതർ ഏർപ്പെടുത്തിയ നിയന്ത്രണങ്ങളോട് പൂർണമായി സഹകരിച്ച ജനങ്ങളും, ഉയർന്ന വാക്സിനേഷൻ നിരക്കുമാണ് മൂന്നാം തരംഗത്തെ തോല്പിക്കാൻ ഖത്തറിനെ സഹായിച്ചതെന്നും മന്ത്രാലയം അഭിപ്രായപ്പെട്ടു. അതേസമയം, പ്രതിദിന കോവിഡ് കേസുകൾ ഇപ്പോഴും കൂടുതലാണെന്നും ജാഗ്രത കൈവിടാൻ നേരമായിട്ടില്ലെന്നും മന്ത്രാലയം ഓർമിപ്പിച്ചു.
ഇന്നലെ രാജ്യത്ത് 1743 പേർക്കാണ് പുതുതായി കോവിഡ് റിപ്പോർട്ട് ചെയ്തത്. ഇന്നലെ 3712 പേർ കൂടെ രോഗമുക്തരായതോടെ ഖത്തറിലെ ആകെ രോഗമുക്തി 305001 ആയി ഉയർന്നു. 76 വയസുള്ള ഒരു വ്യക്തി ഇന്നലെ കോവിഡ് ബാധിച്ചു മരിച്ചതായും മന്ത്രാലയം സ്ഥിരീകരിച്ചു. രാജ്യത്തെ ജനസംഖ്യയുടെ 86.9 ശതമാനവും രണ്ട് ഡോസ് വാക്സിനും സ്വീകരിച്ചു കഴിഞ്ഞു.