August 23, 2019
August 23, 2019
ദോഹ: ഇറാനിലെ ബുഷെര് തുറമുഖത്ത് നിന്നു ഹമദ് തുറമുഖത്തേക്കുള്ള ആദ്യ കപ്പല് സര്വിസ് നാളെ മുതൽ. ഗ്രാന്ഡ് ഫെറി എന്ന ഭീമന് കപ്പലാണ് ആദ്യമെത്തുകയെന്ന് ഇറാനിയന് തുറമുഖ അധികൃതര് വ്യക്തമാക്കിയതായി പ്രസ് ടിവി ഡോട് കോം റിപ്പോര്ട്ട് ചെയ്തു. 500 കിടക്കകള്, 250 മുറികളിലായി 1,200 സീറ്റുകള് എന്നീ സൗകര്യങ്ങളുള്ള ഭീമന് കപ്പലാണ് ഗ്രാന്ഡ് ഫെറി. 144 മീറ്റര് നീളവും 26 മീറ്റര് വീതിയുമുള്ള ഗ്രാന്ഡ് ഫെറി ആഴ്ചയില് രണ്ട് തവണ ഹമദ് തുറമുഖത്തേക്ക് സര്വിസ് നടത്തും. അധികം താമസിയാതെ യാത്രക്കാര്ക്കുള്ള സര്വിസും തുടങ്ങാനാണു പദ്ധതി.