December 21, 2021
December 21, 2021
ദോഹ : സമൂഹമാധ്യമങ്ങൾ വഴി ജോലി വാഗ്ദാനം ചെയ്ത് പണം തട്ടുന്ന സംഘങ്ങൾക്കെതിരെ മുന്നറിയിപ്പുമായി സുപ്രീം കമ്മിറ്റി. ഗവണ്മെന്റ് മേഖലയിലെ എല്ലാ ഒഴിവുകളും ഔദ്യോഗിക വെബ്സൈറ്റിൽ പ്രദർശിപ്പിക്കാറുണ്ടെന്നും, ഇവ മാത്രമേ പിന്തുടരാവൂ എന്നും കമ്മിറ്റി നിർദേശിച്ചു. സമൂഹമാധ്യമങ്ങളിൽ വരുന്ന വാഗ്ദാനങ്ങളിൽ വീഴരുതെന്നും, അത്തരം പ്രലോഭനങ്ങൾ ശ്രദ്ധയിൽ പെട്ടാൽ നടപടി എടുക്കുമെന്നും കമ്മിറ്റി കൂട്ടിച്ചേർത്തു. ലോകകപ്പ് ഫുട്ബോളിന് ഖത്തർ വേദി ഒരുക്കുന്ന പശ്ചാത്തലത്തിൽ, അതുമായി ബന്ധപ്പെട്ട നിരവധി വ്യാജ ജോലി വാഗ്ദാനങ്ങളാണ് സോഷ്യൽ മീഡിയയിൽ അനുദിനം പ്രത്യക്ഷ്യപ്പെടുന്നത്. മലയാളികൾ അടക്കമുള്ള നിരവധി ആളുകൾ ഇത്തരം തട്ടിപ്പിൽ വീഴുകയും ചെയ്തിട്ടുണ്ട്.