June 01, 2021
June 01, 2021
ദോഹ : ഖത്തറിൽ തുറസ്സായ സ്ഥലങ്ങളിൽ ജോലിചെയ്യുന്നവർക്കുള്ള നിർബന്ധിത ഉച്ചവിശ്രമം ഇന്ന് മുതൽ പ്രാബല്യത്തിലായി.കഠിനമായ ചൂടില്‍ നിന്നും തൊഴിലാളികളെ സംരക്ഷിക്കുന്നതിന്റെ ഭാഗമായി നടപ്പാക്കുന്ന നിര്‍ബന്ധിത ഉച്ചവിശ്രമ നിയമപ്രകാരം രാവിലെ10 മണി മുതല്‍ ഉച്ചക്ക് 3.30 വരെ തൊഴിലാളികളെ തുറസായ സ്ഥലങ്ങളില്‍ പണിയെടുപ്പിക്കാന്‍ പാടില്ല.ജൂണ്‍ 1 മുതല്‍ സെപ്തംബർ 15 നിയമം പ്രാബല്യത്തിലുണ്ടാകും.
ഈ സമയത്ത് തൊഴിലാളികളെ ജോലിയെടുപ്പിക്കുന്നതു തൊഴിലാളികളോടുള്ള അവകാശ ലംഘനമാണെന്നും അധികൃതര്‍ വ്യക്തമാക്കിയിട്ടുണ്ട്. ഉച്ച വിശ്രമ സമയത്ത് തൊഴിലാളികള്‍ക്ക് വിശ്രമിക്കാന്‍ ആവശ്യമായ സൗകര്യങ്ങള്‍ ഒരുക്കി നല്‍കേണ്ടത് സ്ഥാപനങ്ങളുടെ ഉത്തരവാദിത്തമായിരിക്കും.നിയമലംഘനം നടത്തുന്ന കമ്പനികൾക്കെതിരെ നടപടിയുണ്ടാവുമെന്നും ഭരണ വികസന, തൊഴിൽ, സാമൂഹിക കാര്യ മന്ത്രാലയം മുന്നറിയിപ്പ് നൽകി.
