December 09, 2021
December 09, 2021
ദോഹ : യുഎന്നുമായി കൈ കോർത്ത് ഖത്തർ നടത്തിയ റോഡ് സുരക്ഷാ കാമ്പയിൻ രാജ്യത്ത് കാതലായ മാറ്റങ്ങൾക്ക് കരണമായിട്ടുണ്ടെന്ന് പഠനങ്ങൾ. ഹമദ് ട്രോമ സെന്റർ നടത്തിയ ഗവേഷണം പ്രകാരം 2011 മുതൽ 2020 വരെയുള്ള റോഡ് അപകട മരണനിരക്കിൽ വൻ ഇടിവാണ് രേഖപ്പെടുത്തിയത്. 858 ജീവനുകളെയാണ് ഈ കാലയളവിൽ മരണത്തിന്റെ പിടിയിൽനിന്നും രക്ഷപ്പെടുത്താൻ കഴിഞ്ഞത്.
വാഹന അപകടങ്ങളിൽ പരിക്കുകൾ പറ്റുന്നവരുടെയും, മരണപ്പെടുന്നവരുടെയും വിവരങ്ങൾ ശേഖരിച്ച്, ഡോക്ടർ ഹസ്സൻ അൽ താനിയുടെ നേതൃത്വത്തിലാണ് പഠനം നടന്നത്. ആരോഗ്യമന്ത്രാലയം, വിദ്യാഭ്യാസ മന്ത്രാലയം, പൊതുമരാമത്ത് വകുപ്പായ അഷ്ഗാൽ തുടങ്ങി നിരവധി വകുപ്പുകൾ ഈ നേട്ടത്തിൽ സുപ്രധാനപങ്ക് വഹിച്ചിട്ടുണ്ടെന്നും ഡോക്ടർ അൽ താനി കൂട്ടിച്ചേർത്തു. ഒരു പതിറ്റാണ്ട് നീണ്ടുനിന്ന റോഡ് സുരക്ഷാ ദൗത്യത്തിന്റെ രണ്ടാം പതിപ്പ് ഇന്ന് മുതൽ ആരംഭിക്കും.